Бозии «Истиқлол» ва «Ал-Наср» яке аз гаронарзиштарин бозиҳо дар таърихи футболи Тоҷикистон унвон мешавад.
Нархи чиптаҳои бозӣ аз стенди ғарбӣ – 300 сомонӣ, се трибунаи дигар – 100 сомонӣ, VIP – 3000 сомонӣ мушаххас шудааст.
«Чиптаҳои ин бозӣ дар се категория пешкаш карда мешаванд. Нархи чипта барои категорияи якум минбари асосӣ (бахшҳои 1, 2, 3, 4) 300 сомониро ташкил медиҳад. Барои се минбари дигар (шимол, шарқ ва ҷануб) нархи ҳар чиптаи категорияи дуюм 100 сомонӣ муқаррар шудааст. Нархи чиптаи VIP бошад 3000 сомонӣ нархгузорӣ шудааст.»,- зикр мешавад дар саҳифаи фейсбукии Федератсияи футболи Тоҷикистон.
Ёдовар мешавем, ки вохӯрии даври шашуми марҳилаи гурӯҳии Лигаи қаҳрамонҳои Осиё-2023/24 миёни дастаҳои «Истиқлол»-и Тоҷикистон ва «Ал-Наср»-и Арабистони Саудӣ рӯзи 5 декабр дар Варзишгоҳи марказии ҷумҳуриявии шаҳри Душанбе баргузор мегардад. Оғози бозӣ соати 21:00.
Чиптаҳо дар хазинаи Варзишгоҳи марказии ҷумҳуриявии шаҳри Душанбе ва дар мағозаи расмии бошгоҳи «Истиқлол» – «Joma» дар суроғаи Душанбе, хиёбони Рӯдакӣ-85 ба фурӯш гузошта шудаанд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
+1
+1
+1
+1
+1
