Вақтҳои охир ҷавонон бештар майли сафар ва кор дар Британияи Кабирро доранд.
Музди меҳнати хуб, шароити беҳтар нисбат ба Русия муҳоҷиронро ба ин кишвар моил сохтааст.
Аммо барои ин, чи чизро бояд донист ва кадом корҳоро анҷом дод то ба доми қаллобон наафтод.
Барои кор дар Британияи Кабир ҳатман бояд раводиди (Visa) кории ин кишварро (категорияи 5) дошта бошед.
Раводид (Visa) барои кори мавсимӣ ба муддати 6 моҳ дода мешавад!
Агар мехоҳед, муҳоҷири қонунӣ бошед, баъди ба поён расидани муҳлат кишварро тарк кунед. Дубора ҳуҷҷатҳои худро дуруст карда, боз ба ин кишвар сафар кунед.
Танҳо ширкате Шуморо ба кор даъват карда метавонад, ки Британияи Кабир ба ӯ иҷозатнома дода бошад.
Ту метавонӣ аз тариқи сомонаи uk.gov маълум кунӣ, ки ширкати даъваткунанда иҷозатнома дорад ё не?
Самти фаъолияташ чист?
Муҳлати иҷозатномаи ширкат ба поён расидааст ё не?
Ба бовари блогер Муҳаммад Шарипов, ки таҷрибаи кор дар Англияро дорад, шинохтани нафарони алоҳида ё ширкатҳои қаллоб хеле содда аст:
«Одамон ё ширкатҳое, ки фиреб кардан мехоҳанд, бо нишонаҳои муайян фарқ мекунанд. Яъне, чӣ: диққат ҷалб кардан ва маблағ ба даст овардан. Барои диққат ҷалб кардан чӣ лозим мешавад, ваъдаи муфт додан, яъне, мегӯянд, кафолат медиҳем, ки ту визаро мегирӣ. Нишонаи аввал. Дуюм, маблағи бузург мегӯянд. Ҳамин гуна талаби мабағи калонро шарҳ медиҳанд, ки мо ба хотири онки дар ин ё нафарро “мехӯронем”, ки визаи туро медиҳанд. Визаро ягон нафар харида наметавонад. Ягон нафар воситабозӣ карда наметавонад!»
Рӯзноманигор Муҳайё Нозимова, ки тариқи саҳифаҳои иҷтимоии хеш бобати кору таҳсил дар хориҷ маълумоти муфид ироа мекунад, борҳо таъкид кардааст, ки зимни таҳияи аснод барои ба даст овардани раводиди Англия аз эҳтиёт кор бигиранд то ба доми қаллобон гирифтор нагарданд.
Сафорати Британияи Кабир дар Душанбе даъват мекунад, ки барои дархостҳои раводиди Британия танҳо тавассути TLScontact муроҷиат шавад.
TLScontact ягона шарики расмии Хадамоти раводид ва муҳоҷирати Британияи Кабир дар Тоҷикистон мебошад.
Бинобар ин, аз шахсони алоҳидае, ки ваъдаи кумак мекунанд, ҳазар кунед.
Маълумоти бештарро дар эксплейнери навбатии мо пайгирӣ намоед:
