Оё медонед, ки чаро хар ва фил ба рамзҳои ду ҳизби асосии сиёсии ИМА — демократҳо ва ҷумҳурихоҳон табдил ёфтаанд?
Чаро маҳз ин ду ҳайвон ва ҳар ду ба сиёсат чӣ иртибот доранд?
Понздаҳуми январи соли ҳазору ҳаштсаду ҳафтод дар нашрияи Harper’s Weekly Томас Наст нахустин карикатураи худро бо тасвири хари рамзии Ҳизби демократ нашр кард. Истифодаи пайвастаи ин тасвир аз ҷониби яке аз маъруфтарин карикатурнигорони сиёсии Амрико боис шуд, ки он ба рамзи пойдор табдил ёбад. То солҳои ҳазору ҳаштсаду ҳаштод-ум барои ҳама маълум буд, ки хар рамзи Ҳизби демократ аст.
Анъанаи истифодаи хар ҳамчун рамзи демократҳо аз замони номзадии Эндрю Ҷексон ба мақоми президенти ИМА оғоз шудааст. Шӯхиҳои он давра наметавонистанд аз монандии насаби Ҷексон (Jackson) ба калимаи англисии jackass (хари нар) истифода накунанд. Аммо онҳо интизор надоштанд, ки худи Ҷексон ин лақабро қабул мекунад. Дере нагузашта, карикатураҳое пайдо шуданд, ки дар онҳо хари нар бо чеҳраи Ҷексон тасвир мешуд. Ин гуна тасвирҳо дар тамоми ду давраи президентии ӯ ба нашр мерасиданд.
То охири давраи президентии Ҷексон ӯро на ҳамчун хар, балки савори хар тасвир мекарданд. Ҳамин тавр, хар тадриҷан ба рамзи Ҳизби демократ табдил ёфтан гирифт.
Ҳамин тавр, ҳарчанд Томас Наст аввалин касе набуд, ки аз тасвири хар истифода кард, бешубҳа, маҳз ӯ ба паҳншавии он мусоидат намуд. Дар натиҷа, тасвири хар ва Ҳизби демократ ба таври доимӣ бо ҳам пайваст шуданд.
Аммо дар ин маврид ҳам робитаи фил бо ҷумҳурихоҳон чандин сол пеш аз Томас Наст пайдо шуда буд.Вале Филро низ Томас Наст машҳур кард. Соли ҳазору ҳаштсаду ҳафтоду чор ӯ карикатураи «Ваҳшати сеюм» -ро кашид. Дар он хари демократ пӯсти шер дар бар карда, ҳайвоноти дигарро метарсонад, ва филе бо номи «овози ҷумҳурихоҳон» аз тарс саргардон аст. Ин фил овозҳои ҷумҳурихоҳонро нишон медод, ки бузург ва тавоно, вале баъзан гоҳо тарсончак тасвир шуда буданд. Пас аз он Наст филро борҳо барои ҷумҳурихоҳон истифода бурд ва ин рамз таҳким ёфт. Яъне, ҳеҷ ҳизб расман ин рамзҳоро интихоб накардааст. Онҳо аз тамасхури матбуот омада, бо мурури замон ҳизбҳо онҳоро қабул карданд. Имрӯз ҳам хар ва ҳам фил дар рамзҳо ва маъракаҳои ҳизбҳо истифода мешаванд.
