БИЗНЕС-КЛУБ"Занҷири худкор"-и Икром Қурбонов мушкили ронандагонро дар зимистон осон...

«Занҷири худкор»-и Икром Қурбонов мушкили ронандагонро дар зимистон осон мекунад

-

Икром Қурбонов як ҷавони 19-солаи тоҷик занҷири худкореро ихтироъ кардааст, ки ронандагон фасли зимистон дар роҳ ба сӯйи Бадахшон, Хуҷанд Лахш ва дигар навоҳии кӯҳӣ аз мошин поён нашуда, бо пахши як тугма онро ба кор меандозанду ин занҷири худкор чархро иҳота мекунад.

Икром донишҷӯи соли дуввуми Донишгоҳи техникии Тоҷикистон ба номи академик М.С. Осимӣ аст. Ӯ аз 10 – солагӣ бо истифода аз оҳанпора ҳар гуна дастгоҳу таҷҳизоти кӯчак месохт ва ҳамеша орзу мекард, ки онҳо оянда мушкили касеро осон кунанд. Аввалин устоди Икром бобояш Искандар мебошад. Бобояш ҳамеша Икромро “ихтироъкор” садо мекард. 

Икром беш аз 50 дастгоҳу таҷҳизот сохтааст, ки аксари онро дар оила истифода мекунанд. Муҳимтарин ихтирои Икром -“занҷири худкор” ё  “автошип” аст.

“Идеяи сохтани чунин дастгоҳ ҳанӯз аз синфи даҳумӣ дар зеҳнам пайдо гардида буд ва акнун бо кумаки устодам Баҳриддин Қурбонов занҷири худкорро омода кардем ва дар нақша дорем, ки бо даст додани имконият истеҳсоли онро ба роҳ монем.”, — илова кард Икром.  

Дастгоҳи сохтаи Икром, яъне, “автошип” дар фасли зимистон кори ронандагонро осон мегардонад.

“Вақте роҳҳо ях мебанданд ё пур аз барфанд, ронандагон маҷбур мешаванд, ки барои идомаи ҳаракат чархҳои нақлиёташонро занҷирпеч кунанд. Ин кор вақт ва заҳмат мехоҳад. Дастгоҳи мо барои осон кардани мушкили ронандагон пешбинӣ шудааст.”,-мегӯяд Икром Қурбонов.

Икром Қурбонов иштирокчии чандин озмуну олимпиадаҳо буда, мақомҳои ифтихориро соҳиб шудааст. Аз ҷумла, ӯ иштирокчии озмуни ҷумуҳуриявии “Илм фуруғи маърифат” мебошад. Икром нақша дорад, ки дар оянда бо таъсис додани корхонаи истеҳсолӣ идеяҳои худро дар соҳаи мошисозӣ амалӣ намояд.

Баҳруллои М.  

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
17
+1
4
+1
0
+1
0
+1
0
+1
0
+1
0

ХАБАРҲОИ ОХИРИН

Парвариши киви. Таҷрибаи нав дар Хатлон

Сулаймон Шафоев, деҳқони таҷрибадоре аз ноҳияи Кӯшониён аст, ки дар баробари кишту парвариши якчанд навъи маҳсулоти кишоварзӣ, имсол парвариши...

Қабули дархост барои Барномаи Online Professional English Network

Cафорати Иёлоти Муттаҳидаи Амрико дар Тоҷикистон барои иштирок дар Барномаи Online Professional English Network (OPEN) тирамоҳи соли 2024, дархост...

Таваҷҷуҳи ФФТ ба омӯзиши мураббиён

Федератсияи футболи Тоҷикистон ба омӯзиши мураббиён таваҷҷуҳ зоҳир кардааст. Дар робита ба ин, тибқи нақшаи раёсати техникии Федератсияи футболи Тоҷикистон...

Қатъи фаъолият тариқи электронӣ. Мушкилӣ ҳал мешавад?

Шикоятҳо аз он зиёд буд, ки соҳибкорони инфиродии бо патент ё шаҳодатнома амалкунанда фаъолияти худро осон қатъ карда наметавонанд...
spot_imgspot_img

Рақиби мунтахаби Тоҷикистон (U-20): Уммон, Малайзия, Шри-Ланка ва Кореяи Шимолӣ

Рақибони мунтахаби ҷавонони Тоҷикистон (U-20) дар марҳилаи интихобии Ҷоми Осиё-2025, ки аз 21 то 29 сентябр дар шаҳри Душанбе...

Ҳамлаи бузург ба МТС

Ҳамлаи қавии DDoS ба шабакаи МТС  дар як вақт аз Туркия, Испания, Лаҳистон, Эквадор ва Чин анҷом шудааст. Дар...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад