Эълони додани визаи корӣ ба 66 ҳазор донишҷӯю шахси бекор аз ҷониби Ҳукумати Амрико дурӯғ аст. Чанд рӯз аст, ки бо чунин мазмун эълоне паҳн мегардад, ки гӯё «Ҳукумати Амрико 66,000 кортҳои визаи кориро ба донишҷӯён ва бекорони тоҷикистонӣ пешниҳод мекунад.
Онҳое, ки таффакури интиқодӣ доранд, медонанд, ки чунин эълон ба хотири ба даст овардани маълумоти шахсӣ ва маблағ паҳн мегардад. Матни эълони қалбакӣ аз дигар забон тариқи барнома тарҷума шуда, ҷумлаҳо аз рӯйи қоидаи забонӣ навишта нашудаанд. Сомонае, ки тавассути он бояд муроҷиат сурат гирад, расмӣ нест.
Сафорати ИМА тариқи шабакаҳои иҷтимоӣ хабар додааст, ки паҳн шудани ин эълонҳои тақаллубӣ огоҳ аст.
«Дар асл чунин барнома эълон нашудааст. Намудҳои раводиди кориро дар сомонаи www.travel.state.gov пайдо кардан мумкин аст. Аксари намудҳои раводидҳои корӣ барои шахсоне мебошанд, ки аз ҷониби корфармои ИМА сарпарастӣ карда мешаванд ё ба таври дигар танҳо барои шаҳрвандони кишварҳои алоҳида таъин шудааст. Рӯйхати ин кишварҳоро Вазорати амнияти миллӣ (DHS) нашр мекунад.
Сафорати ИМА ба мардум маслиҳат медиҳад, ки ягон маълумоти шахсиро ба вебсайтҳое, ки бо ИМА алоқаманд нестанд, пешниҳод накунанд. Сафорат ё дигар вебсайтҳои расмии ИМА-ро дар суроғаи gov муайян кардан мумкин аст. Мо сайёҳони ояндадорро ташвиқ мекунем, ки аз абзори VISA WIZARD истифода баранд, то беҳтарин навъи раводидро барои сафари худ интихоб кунанд.», -омадааст дар иттилоияи ин сафорат.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
+1
+1
+1
+1
+1
