МУВАФФАҚИЯТОҳангаре, ки аз 12-солагӣ обу тоб меёбад

Оҳангаре, ки аз 12-солагӣ обу тоб меёбад

-

Оҳангарӣ яке аз ҳунарҳои куҳани мардуми мо маҳсуб мешавад. Вале ин пеша басо душвору пурмашаққат аст.

Имрӯз мо аз ҳаёти оҳангари ҷавони кӯҳистони деҳаи Басманда мегӯем, ки ҳанӯз аз синни 12-солагӣ ба ин ҳунар дил бастааст.

“Ҳоло 24-сола ҳастам ва аз 12-солагӣ дар пеши падарам ба омӯзиши нозукиҳои касби оҳангарӣ ҳамроҳи бародару додарам – Файзалӣ ва Нуруллоҳ пардохтем. Албатта дар оғоз ман танҳо ба корҳои сабуки устохона – оташ гирондан, ангишт партофтан, дам кардани кураи оташ ва дастрас кардани асбобҳои оҳангарӣ ба усто машғул мешудам. Он замон танҳо зеҳнамро ба нозукиҳои касб ва чи гуна омода кардани як асбоби тайёр аз ашёи хом равона мекардам.”, — нақл мекунад Файзуллоҳ.

Бо гузашти беш аз даҳ сол акнун Файзуллоҳ Худойбердиев ба яке аз оҳангарони ҷавони моҳир ва боистеъдод табдил ёфтааст. Ҳудуди ду моҳ пеш аз муҳоҷирати меҳнатӣ баргашта, имрӯз ҳамроҳи падараш – Субҳонбердӣ дар хидмати мардум аст.

Ба гуфти Файзуллоҳ, ҳоло ба ҷуз аз оҳангарӣ, инчунин аз ӯҳдаи иҷрои кафшергарӣ ва кор бо асбоби оҳанбурӣ низ мебарояд.

Вобаста ба мавсим, мардум барои сохтани ин ё он ашёи лозима дари устохонаи онҳоро мекӯбанд. Асосан дар устохонаи ин хонавода асбобҳои рӯзгор, аз қабили кафгир, корд, оташгирак, зулфаки дар, гулмех, наъл, болға, теша, ҷоду, табар ва ҳамчунин олоти кишоварзӣ – доси хурду калон, хаскаш, бел, панҷшох, метин, зоғнул, каланд, оҳан ва пешоҳани ҷуфт сохта мешавад.

Касби оҳангарӣ барои оилаи Худойбердиевҳо акнун ба манбаи аслии даромад табдил ёфтааст. Мардуми диёри Басмандаи ноҳияи Деваштич, ҳамсоядеҳаҳо- Дархон, Қалъаи Дӯст, Чӯянгарон, Қалъаи Мирзобой, Хуҷаҳо ва шаҳраки Каленинобод муштариёни аслии ин хонавода ҳастанд.

Нуралӣ Карим

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
0
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

Кумаки Тоҷикистон ба Туркия расид

Бо супориши Эмомалӣ Раҳмон, Президенти Тоҷикистон ба зарардидагони зилзила дар Туркия кумаки башардӯстона фиристода шуд. Кумаки башардӯстона аз маҳсулоти зарурии...

RuStore ҷойгузини Google Play мегардад?

Ширкати русии ВК ба ҷойи мағозаи онлайнии Google Play ҷойгузин мехоҳад пешниҳод намояд. RuStore-мағозаи онлайни барномаҳо барои системаи оператсионии Android...

Қаллобон бо равишҳои нав мардумфиребӣ мекунанд

Дар шабакаи иҷтимоӣ боз як эълони нави фиребгарон чарх мезанад, ки ин навбат онҳо номи бонк ва номи ҳаммуассисамон...

Вокуниши Москвич ба интиқодгарон

"Москвич-3" мушкили набудани  гармӣ дар курсиро ҳал кард. Аксарият бинобар ноқисӣ дар ин бахш аз ширкат интиқод мекарданд. Акнун...
spot_imgspot_img

Талафоти ҷонӣ дар Туркия беш аз 12 ҳазор

Бар асари заминларзаи 7,7 ва 7,6 дараҷаӣ дар 10 вилояти Туркия, дастикам 12 ҳазору 391 нафар ҷони худро аз...

Нерӯгоҳи Зиёдалӣ хонаи ҳамдеҳагонашро фурӯзон мекунад

Зиёдалӣ Талбекзода на танҳо нерӯгоҳи офтобӣ, ҳамчунин, дастархони электронӣ, арғунчак, мошини хурд барои кӯдакону наврасон  ва даҳҳо дастгоҳи дигар...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад