Владимир Путин, Президенти Русия қонунеро ба имзо расонд, ки тибқи он мумкин аст амволи шаҳрвандоне, ки дар хориҷ аз кишвар тибқи як қатор моддаҳои ҳуқуқвайронкунии маъмурӣ қонуншиканӣ содир кардаанд, ҳабс карда шавад.
Аз ҷумла, сухан дар бораи вайрон кардани тартиби фаъолияти «агенти хориҷӣ», сӯиистифода аз озодии воситаҳои ахбори омма ва паҳн кардани маводҳое меравад, ки ба терроризм даъват мекунанд.
Ҳамчунин амволи чунин шахсон метавонад барои истеҳсол ва паҳн намудани маводи экстремистӣ ҳабс карда шавад.
Тибқи қонун, ҳабси амвол танҳо бо қарори суд амалӣ мегардад. Дар навбати аввал маблағҳои пулии шахсони воқеӣ дар ҳисобҳо ва пасандозҳои бонкӣ ҳабс карда мешаванд. Агар чунин маблағҳо вуҷуд надошта бошанд, дигар намуди амвол ҳабс мешавад.
Ҳамчунин пешбинӣ шудааст, ки суд метавонад қарор дар бораи ҳабси амволро бекор намояд. Қонуни мазкур аз 1 сентябр мавриди амал қарор мегирад.
