Мавқеи вазири молия дар бораи «гив»-у «конкурс»-ҳои бурднок

Файзиддин Қаҳҳорзода, вазири молияи кишвар мегӯяд, на ҳамаи онҳое, ки «конкурс»-ҳои бурднок мегузаронанд, дар Тоҷикистон қарор доранд. Мавсуф мегӯяд, то ҳол касе расман шикоят накардааст, ки фиреб хурдаанд. Агарчи сару садоҳо тариқи шабакаҳои иҷтимоӣ садо медиҳад. Вале агар муроҷиат бошад, ҳатман расидагӣ мешавад. Дар шабакаҳои иҷтимоӣ теъдоде «гив» ва «конкурс»-ҳо баргузор мекунанд. Ҷоизаву маблағҳои пулӣ то телефонҳои гаронарзиш ва ҳатто мошину хонаро дар бозӣ мегузоранд ва аз иштирокчиён талаб мекунанд, ки ба билет харидорӣ намоянд. Вале шикоятҳо аз шаффоф набудани ҷамъбасти озмунҳо зиёд аст.
Вазорати молия мақоми ваколатдорест, ки барои баъзе намудҳои фаъолияти вобаста ба лотерея ва бозиҳои бурднок иҷозатнома медиҳад. Аз ин рӯ, агар озмун хусусияти тиҷоратӣ ё лотереявӣ дошта бошад, ташаббускорон бояд талаботи қонунро риоя намоянд.