Алиҷон Усмонов, яке аз қаҳрамонони ҶОМ ва ду ҳамсабақи дигараш Абӯбакр Комилов ва Аслан Насратшоев хонандагони синфи 10 аз Литсей барои хонандагони болаёқати шаҳри Хуҷанд дар олимпиадаи ҷаҳонии «MATH-CHALLENGE 2021» дар Таиланд аз фанни риёзӣ бо забони англисӣ иштирок ва ғолиб омада, соҳиби шоҳҷоизаи озмун — гранти омӯзишӣ дар Донишгоҳи Амрикои Шимолӣ шуданд.
Сурайё Негматова, директори Литсей барои хонандагони болаёқат дар шаҳри Хуҷанд иттилоъ додааст, ки гранти омӯзишии мазкур дар умум 220 ҳазор долларро ташкил дода, 80 ҳазор доллари он ба Алиҷон Усмонов, 80 ҳазор доллар ба Абӯбакр Комилов, 60 ҳазор доллар ба Аслан Насратшоев ихтисос дода шудааст. Дарёфти гранти омӯзишӣ имкон медиҳад, ки ин се хонандаи литсей тӯли 4 сол ройгон дар Донишгоҳи Амрикои Шимолӣ (North American University) таҳсил намуда, ҳамчунин бо хобгоҳ ва хӯроки ройгон таъмин карда шаванд.
Бояд гуфт, Донишгоҳи Амрикои Шимолӣ яке аз пурнуфӯзтарин донишгоҳҳои Амрико ба ҳисоб рафта, ба 10 гонаи беҳтарин донишгоҳҳои ИМА шомил аст.
Ёдовар мешавем, ки ахиран Алиҷон Усмонов дар Олимпиадаи байналмилалии дониш – “International Olympiad Antaliya” аз фанни математика баландтарин баҳо- 100 холро ба даст оварда буд. Ин натиҷа дар даҳ соли охири Олимпиада беназир гуфта мешавад. Яъне, Алиҷон бо ҳал кардани 6 мисолу масъала рекорди худро гузошт.
