Ситораҳои футболи ИМА – қаҳрамони ҷаҳон дар соли 1999 Лорри Фэйр ва ғолиби Ҷоми тиллоии КОНКАКАФ-2025 Тони Санне дар Тоҷикистон қарор доранд.
Сафирони варзишии Департаменти давлатии ИМА дар доираи барномаи «Sports Envoys» ба Тоҷикистон омаданд. Ин барнома варзишро ҳамчун воситаи дипломатия, муколамаи байналмилалӣ ва рушди ҷавонон истифода мебарад.
Футболбозони машҳури америкоӣ дар фестивалҳои футбол иштирок намуда, барои писарону духтарон дар шаҳрҳои Душанбе ва Бохтар машғулиятҳои омӯзишӣ баргузор карданд. Чорабинӣ аз ҷониби Сафорати ИМА дар Тоҷикистон дар ҳамкорӣ бо Федератсияи футболи Тоҷикистон ташкил шуда, ба 250-солагии истиқлоли Иёлоти Муттаҳидаи Амрико, 34-солагии муносибатҳои шарикӣ миёни ИМА ва Тоҷикистон, ҳамчунин Рӯзи ҷаҳонии футбол бахшида шудааст.
Меҳмонон аз ИМА ҳамчунин аз идораи Федератсияи футболи Тоҷикистон дидан карда, бо ноиби президенти федератсия Искандар Ҷалилов ва котиби генералӣ Фурқат Ахмедҷонов мулоқот анҷом доданд.
Ба иттилои ФФТ, дар ҷараёни вохӯрии дӯстона ҷонибҳо масъалаҳои рушди футболи кӯдакону наврасон ва футболи занонро баррасӣ намуда, табодули таҷриба кардаанд ва инчунин барои таҳкими минбаъдаи ҳамкориҳои варзишӣ миёни Тоҷикистон ва ИМА изҳори ҳавасмандӣ намуданд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
+1
+1
+1
+1
+1
