Роҳруби узбекистонӣ Хайрулло Ибодуллаев писарбачаи шашсоларо, ки аз тирезаи ошёнаи ҳафтуми як бино дар Санкт-Петербург сарозер шуд, наҷот дод. Хайрулло кӯдакро дар ҳаво дошта, зарби афтиданро бо ҷисми худ кам кардааст, вале дасту қабурғаи худаш шикастааст. Модари писарбача дар хона ҳузур доштааст, аммо дар утоқи дигар. Тирезаҳо василаҳои муҳофизатӣ надоштаанд.
Кӯдак низ пояш шикаста узвҳои даруниаш зарб хурдаанд.Шаҳрдорӣ дар бораи вазъи саломатии кӯдак маълумот додаанд.
«Шаҳрванди Ӯзбекистон Хайрулло Ибодуллаев кӯдакро, ки аз ошёнаи ҳафтум дар кӯчаи Петрозаводскаяи Санкт-Петербург меафтод, наҷот дода, аз фоҷиа пешгирӣ кард.», — гуфта мешавад дар хабари шаҳрдорӣ.
Шавкат Мирзиёев, раисиҷумҳури Ӯзбекистон ин мардро барои наҷоти кӯдак бо медали «Ҷасорат» сарфароз гардонд.
Дар Фармони Президенти Ӯзбекистон омадааст:
«Барои расонидани кумаки амалӣ ва наҷоти ҷони кӯдаке, ки аз ошёнаи баланди бинои бисёрошёна меафтод, инчунин барои зоҳир намудани хислатҳои баланди хос ба мардуми мо — шуҷоат, қаҳрамонӣ ва фидокорӣ, бо вуҷуди ба хатар гузоштани ҳаёт ва саломатии худ дар вазъияти фавқулода ва мураккабе, ки дар шаҳри Санкт-Петербург Федератсияи Русия рух дод, ҳамватани ҷасур ва бебоки мо Ибадуллаев Хайрулло Сайдуллаевич бо медали “Ҷасорат” қадрдонӣ карда шавад».
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
