Агентии инноватсия ва технологияҳои рақамии назди Президенти Тоҷикистон ба таваҷҷуҳи истифодабарандагони ҳамёнҳои электронӣ мерасонад, ки вобаста ба татбиқи лоиҳаи озмоишӣ корҳои фаҳмондадиҳӣ идома дошта, пас аз он, амалисозии лоиҳа аз якуми сентябри соли ду ҳазору бисту шаш пешбинӣ мегардад. «Тибқи лоиҳа, айни замон ва минбаъд низ амалиётҳои шахсони воқеӣ мавриди андозбандӣ қарор дода намешаванд.»-таъкид мекунад агентӣ. Барои амалиётҳои тиҷоратӣ ва соҳибкорӣ меъёри андоз дар ҳаҷми 3 фоиз (ба ҷойи 6 фоизи қаблӣ) пешбинӣ шудааст.
Ҳамзамон, бо дарназардошти талаботи қонунгузорӣ оид ба сирри бонкӣ, ин раванд пайгирӣ карда намешавад. Бинобар ин, Агентӣ аз истифодабарандагони ҳамёнҳои электронӣ даъват кардааст, ки воситаҳои пардохти электрониро бидуни хавф ва нигаронӣ фаъолона истифода баранд.
