Павел Дуров, бунёдгузори Telegram изҳор доштааст, ки нисбат ба ӯ дар Федератсияи Русия бо моддаи «мусоидат ба терроризм» парвандаи ҷиноятӣ боз шудааст.
Ба навиштаи нашрияи Российская газета бо истинод ба маводи ФСБ, гӯё ҳамоҳангсозии амалиёти ҷинояткороне, ки ба толори консертии Крокус Сити Холл ҳамла карданд, тавассути Telegram сурат гирифтааст. Ҳамчунин иддао мешавад, ки ин паёмрасон барои омодасозии сӯиқасд ба ҷони хабарнигорони ҳарбӣ ва низомиён истифода шудааст.
Дуров рӯзи 24 феврал тариқи канали Telegram-и хеш навишт:
«Ҳар рӯз мақомот баҳонаҳои нав пайдо мекунанд, то дастрасии шаҳрвандони Русия ба Telegram-ро маҳдуд созанд ва ҳуқуқ ба дахлнопазирии ҳаёти шахсӣ ва озодии баёнро танг кунанд. Манзараи ғамангези давлате, ки аз мардуми худ метарсад».
Ба иттилои нашрия, Telegram гӯё барои омодасозии куштори шахсиятҳое чун Даря Дугина, Владлен Татарский (Максим Фомин) ва генерал Игор Кириллов истифода шудааст.
