Дар ноҳияи Дарвоз Беморхонаи марказӣ дар масоҳати 5 356 мураббаъ бо 100 кати бистарӣ (аз ҷумла 20 кат барои беморон аз Ҷумҳурии Исломии Афғонистон) сохта мешавад. Баъд аз анҷоми корҳои сохтмонӣ ин беморхона бо муосиртарин дастгоҳу лавозимоти соҳавӣ таъмин хоҳад шуд.
Ин кор тибқи лоиҳаи маблағгузории иловагӣ дар раванди амалигардонии лоиҳаи “Хизматрасониҳои маҷмӯӣ барои модар ва кӯдак” миёни Ҳукумати Ҷумҳурии Тоҷикистон ва Бонки осиёии рушд анҷом мешавад. Дар доираи лоиҳа дар ноҳияи Данғара сохтмони шӯъбаи таваллуд дар масоҳати 6 200мураббаъ бо 80 кати бистарӣ ба нақша гирифта шуда, дар ноҳияи Айнӣ сохтмони шӯъбаи таваллуд бо 40 кати бистарӣ (инчунин 10 кат барои хобгоҳи занони ҳомила пеш аз таваллуд) сохта хоҳад шуд.
Ин нуктаҳо имрӯз, 3 декабр дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тазаккур шуданд, ки дар чорабинӣ Ҷамолиддин Абдуллозода, вазири тандурустӣ ва ҳифзи иҷтимоии аҳолии Ҷумҳурии Тоҷикистон, Ко Сакамото, роҳбари намояндагии доимии Бонки осиёии рушд дар Ҷумҳурии Тоҷикистон, Саломуддин Юсуфӣ, муовини аввали вазири тандурустӣ ва ҳифзи иҷтимоии аҳолии Ҷумҳурии Тоҷикистон, Зулфия Абдусаматзода, муовини вазири тандурустӣ ва ҳифзи иҷтимоии аҳолӣ, сардорони раёсатҳо ва доираи васеъи мутахассисони вазорат, муовинони раиси ноҳияҳои таҷрибавии Дарвоз, Данғара, Айнӣ, инчунин дигар намояндагони Бонки осиёии рушд, сартабибони муассисаҳои тиббии ҷумҳуриявӣ ва дигар мутахассисон иштирок доштанд.
Акс аз саҳаифаи фейсбукии Маркази матбуоти Вазорати тандурустӣ ва ҳифзи иҷтимоии аҳолии Тоҷикистон
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
