Илон Маск, роҳбари Tesla, SpaceX ва xAI бори дигар аз хатарҳои зеҳни сунъӣ ҳушдор дод ва се принсипи асосиро ном бурд, ки ба гуфтаи ӯ барои рушди бехатари ин технология муҳиманд. Дар мусоҳиба бо миллиардери ҳиндӣ Нихил Камат (Nikhil Kamath) Маск таъкид кардааст, ки ояндаи мусбатро бо зеҳни сунъӣ касе кафолат намедиҳад, зеро, ин технологияҳои қавӣ метавонанд эҳтимоли харобиовар низ дошта бошанд.
«Агар зеҳни сунъӣ сахт ба риояи ҳақиқат пойбанд набошад, он метавонад аз интернет миқдори зиёди маълумоти дурӯғро қабул кунад.», — шарҳ додааст Маск.
Вай афзудааст, ки маҷбур кардани зеҳни сунъӣ ба бовар ба иддаоҳои бардурӯғ метавонад «онро аз худ бегона кунад», ки дар натиҷа ба хулосаҳои хато ва эҳтимол хатарнок оварда расонад.
Мушкили «хаёлпардози»-ҳо яъне тавлиди маълумоти бардурӯғ яке аз масъалаҳои асосӣ дар ин соҳа боқӣ мемонад. Маск мисол овардааст, ки чӣ гуна функсияи Apple Intelligence дар iPhone имсол огоҳномаҳои бардурӯғ паҳн мекард, аз ҷумла дар бораи гӯё пирӯз шудани Люк Литтлер, ки воқеан рух надода буд.
