Аз 2 то 13 декабр дар шаҳри Дубай Чемпионати XXIII ҷаҳон оид ба бокс баргузор мегардад, ки дар он варзишгарон аз кишварҳои гуногун ширкат хоҳанд кард. Ба иттилои Varzish.TV, мусобиқа аз рӯйи 13 вазн, ки соли 2021 аз ҷониби Шӯрои директорони IBA тасдиқ шудаанд, доир мешавад.
Дар аввал ҳаққи гузаронидани чемпионати ҷаҳон ба Қазоқистон дода шуда буд, аммо баъди ҳамроҳ шудани он ба созмони World Boxing мусобиқа ба Туркия кӯчонда шуд. Сипас Туркия низ аз баргузории он даст кашид, ва моҳи июли соли 2025 президенти IBA Умар Кремлёв эълон кард, ки кишвари мизбон Аморати Муттаҳидаи Араб шудааст.
Тими миллии Тоҷикистонро 13 варзишгар намояндагӣ мекунанд:
— Меҳрон Шафиев (48 кг)
— Меҳрҷ Суфиджонов (51 кг)
— Анӯшервон Фозилов (54 кг)
— Хусравхон Раҳимов (57 кг)
— Акмал Убайдов (60 кг)
— Руслан Ғафуров (63,5 кг)
— Шамшер Саидов (67 кг)
— Довуд Маҳкамов (71 кг)
— Шаҳобҷон Шукуров (75 кг)
— Некруз Салимов (80 кг)
— Парвиз Каримов (86 кг)
— Наврӯз Ҷафоев (92 кг)
— Давлат Болтаев (+92 кг)
Ҳаҷми ҷоизаи мусобиқа 8,32 миллион долларро ташкил медиҳад. Қаҳрамонони ҳар категорияи вазнӣ 300 ҳазор доллар, ҷоизадорони мақоми дуюм — 150 ҳазор, мақоми сеюм — 75 ҳазор, ва варзишгароне, ки ба зинаи панҷум мерасанд — 10 ҳазор доллар мегиранд. Тақсими маблағ чунин аст: 50% — ба варзишгар, 25% — ба мураббӣ ва 25% — ба федератсияи бокси кишвар.
