Парлумони Молдова дар хониши аввал бекор кардани созишномаи фаъолияти Маркази русии илм ва фарҳанг дар Кишинёвро тасдиқ намуд.
Қарор бо райъи 60 вакили ҳизби ҳокими «Амал ва ҳамбастагӣ» қабул шуд, Ҳизби «Демократия хона» низ онро дастгирӣ кардааст. Созишнома 30 октябри соли 1998 дар Маскав ба имзо расида буд.
5 ноябри соли 2025 вазири фарҳанги Молдова Кристиан Жардан изҳор дошт, ки дар ҷаласаи аввалини ҳукумати нав таҳти роҳбарии Александр Мунтяну, якдилона қарор қабул карда шуд, ки фаъолияти «Руский дом»-ро дар Кишинёв қатъ гардад. Ба гуфтаи ӯ, Русия марказро ҳамчун абзори ҷанги гибридӣ бар зидди Молдова истифода бурда истодааст ва идомаи татбиқи созишнома дигар ба вазъи кунунии геополитикӣ мувофиқ нест.
Ҳамон рӯз сафорати Русия дар Молдова гуфтааст, ки қарори Кишинёв дар бораи бекор кардани созишномаи байниҳукуматӣ оид ба марказҳои фарҳангӣ «иштибоҳ» ва «бесамар» аст.
