The Guardian огоҳ мекунад, ки истифодаи зеҳни сунъӣ барои таҳия ва паҳн кардани роликҳои сиёсӣ рӯз то рӯз бештар мегарданд.
Ба навиштаи The Guardian, истифодаи зеҳни сунъӣ ба бахши маъракаҳои пешазинтихоботии оянда дар ИМА табдил хоҳад ёфт. Нашрия таъкид мекунад, ки зеҳни сунъӣ дар муборизаи сиёсӣ барои эҷоди аксҳо ва видеоҳои фиребанда бештару бештар истифода мешавад.
The Guardian менависад, ки дар интихоботи ахири шаҳрдории Ню-Йорк бисёр номзадҳо ва ситодҳои онҳо наворҳои таблиғотии интихоботиро бо истифода аз зеҳни сунъӣ месохтанд.
Шаҳрдори амалкунандаи Ню-Йорк Эрик Адамс видеое офарид, ки тибқи муҳтавои он, бо пирӯзии рақибаш Зоҳран Мамданӣ шаҳр гӯё аз ҷанг пурра хароб шуд.
Номзади дигар Эндрю Куомо дар нажодпарастӣ ва исломофобия айбдор шуд, ситоди интихоботии ӯ низ дар X видеои сохтаи зеҳни сунъӣ нашр кард. Дар он саҳнае нишон дода мешуд, ки Мамданӣ бо дастонаш биринҷ мехӯрад ва марди сиёҳпӯст дар мағоза дуздӣ мекунад. Ситоди Куомо баъдан видеоро ҳазф кард ва гуфт, ки он «тасодуфан» нашр шудааст.
Дар иёлати Ню-Йорк ситодҳои интихоботӣ уҳдадоранд, ки матлаби бо зеҳни сунъӣ тавлидшуда бояд бо аломати махсус ишора шавад. Дар ғайри сурат, Комиссияи интихоботии Ню-Йорк метавонад алайҳи онҳо парванда боз кунад.
Президенти ИМА Доналд Трамп низ аз зеҳни сунъӣ истифода бурдааст Ҳатто видеороликҳои тавлидшуда бо зеҳни сунъиро нашр кард. Дар моҳи октябр, дар раванди эътирозҳои No Kings, ки зидди сиёсатҳои Трамп равона шуда буданд, ӯ видеои сохтаи зеҳни сунъиро нашр кард, ки дар он гӯё худаш ҳавопаймои ҷангӣ меронд ва ба амрикоиҳо моеъи қаҳваранг мепошад.
