Барномаи давлатии рушди пахши телевизиони рақамӣ дар Тоҷикистон барои солҳои 2026-2030 қабул шуд. Ҳукумати Тоҷикистон барномаро 29 августи соли 2025 қабул намудааст.
Барномаи нав бо мақсади фарогирии тамоми аҳолии кишвар, бахусус минтақаҳои кӯҳистон ва наздисарҳадӣ бо пахши телевизиони рақамӣ таҳия шудааст.
Аз соли 2010 то 2025 сатҳи фарогирии аҳолӣ бо пахши телевизиони рақамӣ ба 86 дарсад расонида шудааст. «Барои таъмин намудани боқимонда сокинони минтақаҳои кӯҳистони мамлакат бо пахши рақамӣ, ки 14 дарсадро ташкил медиҳанд, насби 416 фиристандаи рақамии гуногуниқтидор ва маҷмуи таҷҳизоти пахши телевизиони рақамӣ зарур мебошад.»,-гуфта мешавад дар барнома.
Барномаи нав сохторҳои масъулро муваззаф менамояд, ки сатҳи фарогириро то соли 2030 ба 95 фоиз расонанд.
Тибқи ин барнома ба оилаҳои камбизоат таҷҳизоти рамзкушо ва дастгоҳҳои қабул ройгон тақдим мегарданд.
Барои татбиқи барнома 74,8 миллион сомонӣ пешбинӣ шудааст, ки аз ҳисоби буҷети ҷумҳуриявӣ ва маблағҳои махсуси Кумитаи телевизион ва радио ҷудо мегардад.
Акс аз Шабакаи интернет
