Дар Албания вазире таъин шуд, ки ҷисман вуҷуд надорад ва он офаридаи зеҳни сунъӣ аст. Ин вазир масъули хариди давлатии кишвар хоҳад буд.
Эди Рама, сарвазири Албания ёвари рақамии Diella-ро, ки ба шаҳрвандон барои истифода аз хадамоти давлатӣ дар интернет кумак мерасонад, вазир таъйин намуд.
Diella, ки дар забони албанӣ маънои «Офтоб»-ро дорад, аз моҳи январ дар портали давлатӣ e-Albania ба шаҳрвандон машварат медиҳад. Бо фармонҳои овозӣ ӯ тамоми корҳои бюрократӣ иҷро мегардад.
«Diella аввалин узви ҳукумат, ки ҷисман вуҷуд надорад, балки тавассути зеҳни сунъӣ сохта шудааст, ба Албания кумак мекунад то кишвари мо дар озмунҳои давлатӣ 100% аз фассод орӣ бошад.», — гуфтааст Эди Рама.
Салоҳиятҳои муайян кардани ғолибони озмунҳои давлатӣ тадриҷан аз вазоратҳо ба зеҳни сунъӣ дода мешаванд, то хароҷоти давлатӣ дар ҷараёни тендерҳо пурра шаффоф бошанд.
Diella ҳар як тендерро, ки дар он ҳукумат бо ширкатҳои хусусӣ шартнома мебандад, санҷида, бартарии ҳар як пешниҳодро ба таври объективӣ арзёбӣ хоҳад кард. Тендерҳои давлатӣ дар Албания кайҳо боз ба манбаи моҷароҳои коррупсионӣ табдил ёфтаанд. Ба гуфтаи коршиносон, ин кишвар ба маркази гурӯҳҳои байналмилалии ҷиноятӣ табдил ёфта, коррупсия ба сатҳи баланди ҳукумат роҳ ёфтааст.
