Гурӯҳи вакилони ҳизби «Справедливая Россия — За правду» ба Думаи давлатӣ ду лоиҳа пешниҳод карданд.
Дар лоиҳаи якум (Кодекси маъмурӣ) моддаи нав 18.21 «содир кардани майдаавбошӣ аз ҷониби шаҳрванди хориҷӣ ё шахси бешаҳрванд».
Тибқи ин лоиҳа, муҳоҷирон ва шахсони бешаҳрванд барои дашномҳои қабеҳ, озор додани шаҳрвандон ё вайрон кардани амволи дигарон аз 5 то 10 ҳазор рубл ҷарима мешаванд.
Ин дар ҳолест, ки шаҳрвандони Русия барои ҳамин кирдор 500–1000 рубл ҷарима мешаванд.
Илова бар ин, агар муҳоҷирон маълумоте паҳн кунанд, ки шаъну шарафи инсонро паст мезанад ё нисбат ба Русия ва рамзҳои давлатӣ беэҳтиромӣ нишон диҳад, ба онҳо хориҷкунӣ аз Русия таҳдид мекунад.
Лоиҳаи дуюм ҷаримаи калон барои корфармоёни ғайриқонунӣ буда, дар он пешниҳод шудааст, ки ҷаримаҳо барои ҷалби ғайриқонунии муҳоҷирон ба кор ба таври ҷиддӣ афзоиш ёбанд.
-
Барои шахсони воқеӣ аз 25 ҳазор то 50 ҳазор рубл
-
Барои шахсони мансабдор аз 125 ҳазор то 250 ҳазор рубл
-
Барои шахсони ҳуқуқӣ (ширкатҳо) — аз 500 ҳазор то 1,6 миллион рубл
