МУВАФФАҚИЯТДар Бадахшон ҳам гармхона сохтан имкон дорад

Дар Бадахшон ҳам гармхона сохтан имкон дорад

-

Агар инсон пеши худ барои иҷрои коре мақсад гузорад, ӯ алаккай як қадам аз мушкилот ба пеш рафт. Кофист то талаботу ниёзи мардумро бидонӣ ва сари вақт ба он аксуламал нишон бидиҳӣ. 

Соли панҷум аст, ки сокини ноҳияи Рӯшони ВМКБ Ҳамдам Давлатмамадов ба ташкили гармхонаҳо машғул аст ва дар ин самт натиҷаи хуберо ба даст овардааст. Ӯ алаккай 6 гармхонаи муоссирро бо беҳтарин шароит фароҳам овардааст.

“Ҳадафи асосии лоиҳаи ман таъмини минтақаи кӯҳистон бо сабзавоти тару тоза мебошад. Азбаски дар шароити кӯҳистон иқлим хунук аст, ҳангоми нашъу намо он аз сардии ҳаво талаф меёбад.  Сабзавот аз дигар минтақаҳо оварда мешавад. Аз ин рӯ, мо ба хулосае омадем, то роҳҳои беҳтару самаранок истифода бурдани замини наздиҳавлигиамонро пайдо кунем. Агар ҳадди ақал аз оғози фаъолият худамон ва оилаамонро таъмин кунем, пас мо аллакай ба амнияти озуқавории минтақаи худ расидаем.” – гуфт Ҳамдам Давлатмамадов.

Вай аслан хатмкардаи факултети филологияи ДДХ мебошад. Ҳамчунин аз курсҳои забони англисӣ ва соҳибкорӣ дар ММКД-и ДОМ гузашта, омӯзиши банақшагирии тиҷорат ба ӯ даст дод, ки идеяи тиҷоратиашро амалӣ созад. Соли 2017 бо дастгирии Созмони Байналмилалии Муҳоҷират ӯ аввалин гармхонаро ба масоҳати 500 метри мураббаъ сохт.

Баъди як соли фаъолият,  бо дастгирии сармоягузори ҳиндӣ гармхонаи дуюми худро ташкил намуд ва соли 2019 бо дастгирии Иттиҳодияи Ҷамъиятии “Рундара” созишномаи дигареро барои бунёди гармхонаи сеюм бо масоҳати 650 метри мураббаъ ба имзо расонид.

Соли гузашта маҳсулоти ҷамъовардашудаи Ҳамдам 6000 кг-ро ташкил намуд  ва имсол ӯ нақша дорад, ки истеҳсоли маҳсулоташро ба 12 тонна расонад.

Маҳсулот дар бозори маҳаллӣ фурӯхта шуда ҳамчунин  қаҳвахонаву тарабхонаҳои маҳаллӣ бо маҳсулот таъмин карда мешаванд.

“Бунёди чунин гармхонаҳо, на танҳо ба таъмини аҳолӣ   бо сабзавоти тару тоза, ҳамчунин ба  муҳайё намудани  ҷойҳои корӣ ва самаранок истифода бурдани замин мусоидат мекунад.”, — изҳор дошт ҳамсӯҳбати мо.

Тибқи нақшаи ин соҳибкор, 6 гармхонаи дигар низ то охири моҳи апрели соли равон ба истифода дода мешаванд. Ҳамчунин дар нақша аст, ки сехи меваю сабзавот низ мавриди истифода хоҳад гардид.-гуфт Ҳамдам.

Рафоат Қудратбекова

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
0
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

Абдурозиқ ба Ватан баргашт

Абдурозиқ баъди 7 моҳи дӯрӣ аз Ватан акнун ба Тоҷикистон баргашт. Ӯ дар арафи Наврӯз омада, ба зодгоҳаш-шаҳри Панҷакент...

Роҳҳои дусатҳа дар Душанбе

Ба наздикӣ 5 роҳи дусатҳа сохта мешавад, ки дар онҳо роҳи махсус барои ҳаракати нақлиёти ҷамъиятӣ, дучарха ва пиёдагард...

Се таҳдиди буҳронҳои марбути об ба ҳаёти 190 миллион кӯдак

Се таҳдиди буҳронҳои марбут ба об ҳаёти 190 миллион кӯдакро зери хатар мегузорад.  ЮНИСЕФ даъват намудааст, ки ба иншооти...

BI.ZONE: ransomware ба ширкатҳои хусусӣ ҳамла мекунад

Ширкати идоракунии хатарҳои рақамии BI.ZONE гуфтааст, ҳакерҳо эҳтимоли бештари ҳамлаҳоро бо истифода аз барномаҳои рамзгузорӣ барои ғайрифаъол кардани системаҳои...
spot_imgspot_img

Евгений Баклушин: телефонҳо ба ширкатҳои истеҳсолкунанда тобеъ ҳастанд!

Телефонҳои ҳушманд бо ин ё он роҳ баъзе маълумоти корбарро, аз ҷумла ҷойгиршавӣ, паёмҳо ва рӯйхати тамосҳоро ҷамъоварӣ ва...

Патриот чаро гарон шуд?

  "Патриот"-и автомат идорашаванда дар фурӯш пайдо шуд. Аммо нарх метавонад шуморо ба ҳайрат орад. УАЗ ваъда медиҳад, ки истеҳсоли мошинҳои...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад