Маск ва роҳбари Пентагон истифодаи зеҳни сунъӣ аз ҷониби низомиёнро баррасӣ карданд.
Роҳбари Департаменти идораи давлатии самараноки Амрико Илон Маск дар Пентагон бо роҳбари идораи мудофиа Пит Ҳегсет мулоқот кард. Онҳо истифодаи технологияҳои зеҳни сунъиробарои эҳтиёҷоти хизматчиёни ҳарбӣ баррасӣ карданд.
«Вазорати мудофиа мекӯшад бо роҳбарони соҳаи ИИ ҳамкорӣ намояд, то ки низомиёни мо барои муқовимат ба таҳдидҳои асри 21 муҷаҳҳаз бошанд.»,— изҳор намудааст намояндаи вазорат Шон Парнелл.
Ин бори дуюм аст, ки ҷаноби Маск аз Пентагон дидан мекунад. Аввалин мулоқоти ӯ бо вазири мудофиа дар моҳи март баргузор шуд ва боиси ҷанҷол гардид: The New York Times хабар дод, ки идораи мудофиа ният дорад бо соҳибкор стратегияро дар сурати низоъи ҳарбӣ байни Чин ва Иёлоти Муттаҳида баррасӣ кунад. Президенти ИМА Доналд Трамп ин маълумотро бардурӯғ номида буд.
Акс аз шабакаи интернет
