Дар Москва ва вилояти Москва таҷриба оид ба пайгирии шаҳрвандони хориҷӣ тавассути смартфонҳо оғоз мешавад.
Аз 1 сентябри соли 2025 мақомоти шаҳри Москва ва вилояти Москва назорат аз болои макони будубоши муҳоҷироне, ки ба минтақаи пойтахт ворид мешаванд, оғоз мекунанд. Лоиҳаи қонун дар бораи гузаронидани чунин таҷриба 20 май аз ҷониби вакилони Думаи давлатӣ қабул гардид. Шаҳрвандони хориҷӣ бояд дар «замимаи махсуси мобилӣ» ба қайд гирифта шуда, маълумотро дар бораи маҳалли будубоши худ мустақилона ба Вазорати корҳои дохилӣ пешниҳод намоянд. Дар сурати кӯшиши саркашӣ муҳоҷирон ба рӯйхати ашхоси зери назорат дохил карда мешаванд ва ин маънои онро дорад, ки аз Русия ронда мешаванд.
20 май Думаи давлатӣ лоиҳаи қонунеро қабул кард, ки таҷрибаи «ҷорӣ намудани механизмҳои иловагии баҳисобгирии шаҳрвандони хориҷӣ»-ро, ки дар Москва ва вилояти Москва зиндагӣ мекунанд, оғоз мекунад. Аз 1 сентябр муҳоҷирон вазифадоранд, ки аз дактилоскопия, аксбардории биометрӣ гузаранд, дар бораи маҳалли будубоши воқеии худ хабар диҳанд, инчунин дар «замимаи махсуси мобилӣ» ба қайд гирифта шаванд.
Дар лоиҳаи қонун гуфта намешавад, ки дар сурати надоштани телефони мобилӣ ё даст кашидани шаҳрванди хориҷӣ аз насби замима, чӣ оқибатҳо ба амал меоянд.
