Директори ширкати Nokia Пекка Лундмарк дар Форуми ҷаҳонии иқтисодӣ дар Давос гуфт, 6G то соли 2030 ба бозори тиҷоратӣ ворид хоҳад шуд. Аммо таъкид намуд, ки дар ояндаи наздик смартфон мавқеи худро аз даст хоҳад дод».
Ба бовари Лундмарк, то охири ин даҳсола инсоният дастгоҳҳои қулайтар ва муосирро ба телефонҳои маъмулӣ иваз мекунад. Роҳбари ширкати Nokia айнакҳои интеллектуалӣ ва дигар дастгоҳҳоеро бартарӣ медиҳад, ки корбарон ба рӯи худ мепӯшанд. «Бисёре аз ин чизҳо бевосита дар бадани мо сохта мешаванд.»,- гуфт Лундмарк.
Зимни суханронӣ дар ҳамон ҷаласа, директори молияи Google Рут Порат қайд намуд, ки технологияҳо бисёр мушкилоти рӯзмарраро ҳал хоҳанд кард. «Мо истифодаи айнакҳои интеллектуалӣ, масалан, айнакҳои мутарҷими матн дар оинаҳои онро интизорем.»,- гуфт Порат.
Дар миёнаҳои моҳи май Google намунаи айнакеро бо имконоти тарҷумаи овоз ба матнро намоиш дод. Ширкат тавзеҳ дод, ки маҳсулоти пешниҳодшуда имкон медиҳад, ки одамон аз манотиқи мухталифи ҷаҳон муошират карда, монеаи забонӣ аз байн меравад.