Apple интиқоли Phone-ро ба ИМА зиёд кардааст то аз боҷҳои нави воридотӣ дар канор монад. Ширкат дар охири моҳи март ба таври изтирорӣ аз Ҳиндустон панҷ ҳавопаймои боркаш iPhone фиристодааст.
Тавре ки нашрияи The Times of India бо истинод ба манбаъҳо дар мақомоти маҳаллӣ хабар медиҳад, панҷ ҳавопаймо бо iPhone ва дигар дастгоҳҳои Apple-и истеҳсоли Ҳиндустон дар тӯли ҳамагӣ се рӯз дар охири моҳи март ба ИМА фиристода шуданд. Чунин иқдом дар арафаи эътибор пайдо кардани боҷҳои нави амрикоӣ барои воридоти электроника андешида шуд. Аз 5 апрел боҷ барои молҳо аз Ҳиндустон то 10% афзоиш ёфт ва аз 9 апрел бояд то 36% афзоиш ёбад.
Коршиносон пешгӯӣ мекунанд, ки пас аз холӣ шудани анборҳо, Apple маҷбур хоҳад шуд, ки нархҳоро барои маҳсулоти худ на танҳо дар ИМА, балки дар дигар минтақаҳои калидӣ, аз ҷумла Ҳиндустон, боло барад.Дар робита ба он, ки iPhone-ҳои дар Чин истеҳсолшуда дар ИМА бо боҷи 54% андозбандӣ карда мешаванд, Ҳиндустон бо боҷи 36% ба шабакаи ҷолибтар барои интиқоли ин дастгоҳҳо ба Иёлоти Муттаҳида табдил меёбад.
