Тоҷикистон дар мусобиқаи бйналмилалии ҷудо “Abu Dhabi Grand Slam 2024”, ки рӯзҳои 11-13-уми октябр дар пойтахти Имороти Муттаҳидаи Арабӣ — шаҳри Абузабӣ баргузор шуд, мақоми 7-умро ишғол кард.
Дар ин мусобиқа аз кишвари мо 6 нафар ширкат намуданд, ки чаҳор нафари онҳо ба муваффақият даст ёфтанд.
Абубакр Шеров дар вазни 73 кг мақоми 2-юм, Обид Ҷебов дар вазни 66 кг мақоми 3, Ҷаҳонгир Маҷидов дар вазни 100 кг мақоми 3 ва Умедҷон Раҷабов дар вазни 90 кг мақоми 7-умро ишғол намуданд.
Дастаи мунтахаби Тоҷикистонро шаш варзишгар намояндагӣ карданд:
— 66 кг — Обид Ҷебов
— 73 кг — Беҳрӯзи Хоҷазода
— 73 кг – Абубакр Шеров
— 90 кг – Муҳаммадҷон Абдуҷалилзода
— 90 кг – Умедҷон Раҷабов
— 100 кг — Ҷаҳонгир Маҷидов
Маблағи умумии ҷоизаҳои молии мусобиқа 154 ҳазор евроро ташкил медиҳад. Ғолибону ҷоизадорони рақобатҳои инфиродӣ ба ҷуз аз медал бо ҷоизаҳои молӣ қадрдонӣ мешаванд. Ба барандагони медали тилло 5000 евро, медали нуқра – 3000 евро ва ба соҳибони медали биринҷӣ 1500 евро тақдим мегардад.
Ҳамчунин, варзишгарон барои беҳтар кардани мавқеашон дар раддабандии ҷаҳонӣ соҳиби имтиёз мешаванд: ғолибон 1000 имтиёз, барандагони ҷои дуюм 700, ҷои сеюм 500 имтиёз мегиранд.
Дар мусобиқаи бйналмилалии ҷудо “Abu Dhabi Grand Slam 2023” ба ҳайати дастаи мунтахаби Тоҷикистон ҳафт варзишгар (- 60 кг — Меҳрзод Суфиев, — 60 кг — Муҳаммадсолеҳ Қувватов, — 66 кг — Обид Ҷебов, — 73 кг — Беҳрӯзи Хоҷазода, — 81 кг — Сомон Махмадбеков, — 90 кг — Ҷаҳонгир Маҷидов, — 100 кг — Эмомризо Анварзода) дохил буданд, ки байни мардон рақобат карда, бе медал монданд.
Чорабиниҳои навбатии IJF дар хоки Амрико бо собиқадорони Чемпионати ҷаҳонии Лас Вегас (4-7 ноябр) ва Ката (9-10 ноябр) ва дар оғози моҳи декабр (7-8 декабр) мусобиқаи машҳури Grand Slam Токио баргузор мешавад.
