Хадамоти амрикоии Google, ки дар системаи оператсионии Android кор мекунад, агар бихоҳад, метавонад дар Русия корашро қатъ кунад. Ин андешаро дар мусоҳиба бо RTVI муовини аршади президенти Ростелеком оид ба технологияҳои иттилоотӣ Дориус Халитов изҳор доштааст.
Вай гуфтааст, русҳо ҳамарӯза аз хадамоти гуногуни хурди Google Mobile Services истифода мебаранд. Онҳо қисми ҷудонашавандаи системаи оператсионии Android мебошанд, ки аксари смартфонҳо бо онк кор мекунад. Ин хадамот барои мушаххас кардани макон, пешгӯии обу ҳаво ва чизҳои дигаре масъуланд, ки ба шумо имкон медиҳанд то ба хаткашон, таксиҳо ва ғайра занг занед.
«Ин ҳама аз хадамоти Google вобаста аст ва онҳоро метавонад масдуд намояд.»,- гуфтааст Халитов ва қайд кардааст, ки ҳама хадамоти хориҷӣ метавонанд «нопадид шаванд» ва шаҳрвандони Русия инро бояд дарк кунанд.
