ИМА «ТикТок»-ро барои ҷамъоварии маълумот дар бораи кӯдакони то 13-сола ба додгоҳ кашид.
Вазорати адлияи ИМА алайҳи шабакаи иҷтимоии TikTok барои ҷамъоварии маълумоти шахсии кӯдакони то 13-сола ба додгоҳ шикоят бурд. Дар ин бора рӯзномаи New York Times менависад.
Мақомоти Амрико бар инанд, ки шабакаи иҷтимоӣ ба кӯдакони то 13-сола иҷоза додааст, ки аккаунт эҷод кунанд ва ҳатто дар “реҷаи кӯдакон” ин барнома маълумоти шахсиро ҷамъоварӣ мекард.
Ҳуҷҷате, ки ба Додгоҳи таҷдиди назар дар навоҳии Колумбияи ИМА пешниҳод шудааст, гуфта мешавад, ки TikTok ва ширкати чинии он ByteDance метавонанд тавассути системаи хидматрасонии веб Lark маълумоти умумӣ дар бораи корбар, аз ҷумла, андешаҳои онҳо дар бораи масъалаҳои ҳассос, аз қабили назорати силоҳ, исқоти ҳамл ва динро ҷамъоварӣ кунанд.
