Ба навиштаи нашрияи MacRumors бо истинод ба Bloomberg, муҳандиси калидии рушди зеҳни сунъӣ (ИИ) дар ширкати Apple — Руомин Панг (Ruoming Pang) — ширкатро тарк карда, ба Meta гузаштааст. Сабаби асосии ин тағйири ҷои кор — пешниҳоди хуби молиявӣ аз ҷониби ширкати Марк Сукерберг будааст.
Руомин Панг раҳбарии гурӯҳи таҳияи моделҳои асосии ИИ (foundation models)-ро ба уҳда дошт. Дар ин гурӯҳ тақрибан 100 нафар муҳандис кор мекарданд. Маҳз коркарди онҳо асоси системаи нави Apple Intelligence шудааст — аз ҷумла:
-
Хулосабарории худкори мактубҳо,
-
Эълонҳои афзалиятнок,
-
Ва тавлиди эмодзиҳои инфиродӣ (Genmoji).
Ба иттилои нашрия, Meta ба Пангу шартномаи чандинмиллионнӣ (даҳҳо миллион доллар дар як сол) пешниҳод кардааст. Ин як бахш аз стратегияи Марк Сукерберг аст, ки мехоҳад беҳтарин мутахассисони соҳаи ИИ-ро аз ширкатҳои рақиб, аз ҷумла OpenAI, Anthropic ва Scale AI, бо музди баланд ба Meta ҷалб намояд.
Сарчашмаҳо мегӯянд, ки иллати тарки Apple аз сӯи Панг танҳо ба пул вобаста набудааст. Дар дохили гурӯҳи ӯ рӯҳия паст шуда буд, зеро овозаҳо паҳн шуда буданд, ки Apple мехоҳад аз Anthropic ё OpenAI —-ро барои нусхаи нави Siri истифода барад. Ин тасмим метавонад кор ва саҳми муҳандисони дохилиро камарзиш созад. Гуфта мешавад, бисёр муҳандисон аллакай пешниҳоди ширкатҳои рақибро баррасӣ мекунанд.
