Ҳакерҳо маълумоти махфии ширкатеро, ки ChatGPT, OpenAI-ро сохтааст, дуздиданд, ки иттилоъ дар бораи рушди технологияҳои зеҳни сунъиро дар бар мегирад. Дар ин бора рӯзномаи The New York Times бо такя ба манобеъи огоҳи худ хабар додааст.
Сухан дар бораи ҳакерии як форуми дохилӣ меравад, ки дар он кормандони OpenAI технологияҳои навтаринро муҳокима мекарданд. Баъдан раҳбарияти ширкат аз ҳамлаи киберӣ алайҳи кормандон ва ҳам шӯрои мудирони ширкат хабар дод, аммо тасмим гирифта шудааст, ки хабар ба таври оммавӣ паҳн нагардад. Сабаби ин иқдом дуздида нашудани маълумот дар бораи муштариён ё шарикон будааст.
Рӯзнома қайд мекунад, ки агар гурӯҳҳои ҳакерӣ маълумоти OpanAI-ро дуздида тавонистанд, пас ҳакерҳои ба истилоҳ ҳукуматӣ, ба монанди онҳое, ки дар Чин ҳастанд, аз уҳдаи ин кор мебароянд.
Акс аз шабакаи интернет
