ФАРҲАНГ

Дар Фестивали тобистонаи Душанбе-2021 чӣ рӯх дод?

Фестивали тобистонаи Душанбе-2021 (Dushanbe summer Fest-2021) ҷамъбаст гардид. Ин чорабинӣ 25-26 сентябри соли равон дар  Наврӯзгоҳи шаҳри Душанбе баргузор гардид.

Дар рӯзи аввали фестивал, ситораҳои эстрадаи тоҷик, Иззат Шарифӣ, Мадина Акназарова, Нобовар Чаноров, Фарзонаи Хуршед, Баха 84, Шаҳбози Акобир, Барон ва сарояндаи машҳуру хушовози Эрон Арон Афшор, бо табъи меҳмононро болида гардониданд.

“Рӯзи дуюми фестивал, сарояндаҳо Зикрулло Ҳакимов, Зулайхо Маҳмадшоева, Шабнами Сурайё, инчунин ду ситораи сатҳи ҷаҳонӣ Юлдуз Усмонова ва Ҳамид Ҳирод бо суруду таронаҳои дилнишин хотири сокинону меҳмонони пойтахтро шод намуданд.”-хабар медиҳад сомонаи шаҳрдорӣ.

Дар фестивал парвоз дар кураҳои ҳавоӣ, бозиҳои рангоранг ва барномаҳои шавқовар барои хурдсолон пешкаш гардид.

 

Аксҳо аз сомонаи dushanbe.tj

Соли сеюм аст, ки фестивали мазкур баргузор  мегардад ва имсол даромадгоҳи Муассисаи давлатии Наврӯзгоҳи намоиши ҳунарҳои мардумӣ ташкил шуда, иштирокдорони фестивал, бахусус меҳмонони хориҷӣ аз маҳсулоти дастии ҳунармандони тоҷик харидорӣ намуда, баҳри боз ҳам шавқовар гардидани барнома, бозиҳои бурдҳои қимматнок ташкил карда шуда, ғолибон бо туҳфаҳо қадрдонӣ гардиданд.

Фестивали тобистонаи Душанбе-2021 (Dushanbe summer Fest — 2021)» бо ташаббуси мақомоти иҷроияи ҳокимияти давлатии шаҳри Душанбе бо мақсади ҷалби сайёҳон ва муаррифии Душанбе ҳамчун шаҳри дорои имконоти сайёҳӣ, инчунин дар доираи эълон гардидани шаҳри Душанбе «Пойтахти сайёҳии кишварҳои аъзои Созмони Ҳамкории Иқтисодӣ-2020-2021» ва «Пойтахти фарҳангии Иттиҳоди Давлатҳои Мустақил-2021» гузаронида шуд.

ПИСАНД ОМАД? БО ДӮСТОНИ ХУД МУБОДИЛА КУНЕД!
Like
Love
Haha
Wow
Sad
Angry

Добавить комментарий

Ваш адрес email не будет опубликован. Обязательные поля помечены *

Хабари баъдиро пайгирӣ кунед!
Close
Back to top button