Қаллобон нақшаи нави қаллобиро таҳия кардаанд. Ба истифодабарандаи симкорт занг зада, худро корманди МТС ё Билайн муаррифӣ мекунанд ва огоҳ мекунанд, ки эътибори симкорт ба поён расидааст. Барои нав кардани симкорт, қаллобон аз шумо хоҳиш мекунанд, ки рамзи махсуси дар паёмак фиристодаро ворид кунед. Пас аз ин, зангҳо ва смсҳо ба рақами дигар интиқол меёбад. Қаллобон маълумоти бадастомадаро барои дастрасӣ ба бонки онлайни ҷабрдида, почтаи электронӣ, шабакаҳои иҷтимоӣ, месенҷерҳо истифода баранд. Дар ин бораи Известия хабар медиҳад.
Чанде қабл садҳо муҳоҷир аз Осиёи Марказӣ ба доми қаллобон афтода аз бонкҳо қарздор шуданд. «Ба муҳоҷирон занг зада, худро корманди бонк муаррифӣ мекунанд, ному насаби муштариро мегиранд ва барои ба боварии ӯ даромадан дар бораи амалиёти охирини анҷомдодааш тариқи «Золотая корона» маълумот медиҳанд.
Бинобар ин, агар нафаре ба шумо занг зада, худро намояндаи ширкати мобилӣ ё бонк муаррифӣ кард ва аз шумо хост, ки бо рамзи фиристодааш амалиётеро анҷом диҳед. Шумо ин корро фавран иҷро накунед. Бо маркази тамоси ниҳоде, ки каме пештар гӯё намонядааш занг зада буд, дар тамос шавед ва мутмаин шавед, ки шуморо касе фиреб доданӣ нест. Ин кор мушкил нест. Худро эҳтиёт кунед
