Маркази тиҷорати байнулмилалӣ, оҷонсии СММ тақрибан 70 ширкатро ба намоишгоҳи бузургтарини байнулмилалии фанновариҳои нассоҷӣ ва либосвории ITMA 2023 ба Милани Италия сафарбар кард.
Ба ин феҳрист 12 корхонаи нассоҷиву дӯзандагӣ, ду ширкати консалтингӣ, як иттиҳодияи соҳавӣ ва як вазорати соҳавӣ аз Тоҷикистон низ вориданд, ки ба намоишгоҳ барои шиносоӣ бо навгониҳои охирини фанновариҳои соҳа сафар карданд.
Мавзӯи имсолаи намоишгоҳ ба тағйироти саросарии соҳа ва ҳаракати он ба самти рақамисозӣ ва истеҳсолоти устувор бо назардошти муҳити зист бахшида шуда буд.
Шералӣ Кабир, вазири саноат ва технологияҳои нави Тоҷикистон, низ дар намоишгоҳ ширкат ва суханронӣ кард.
“Навгониҳои технологӣ калиди муваффақияти саноати нассоҷиву дӯзандагӣ ба шумор мераванд. Боздид аз намоишгоҳҳои байнулмилалӣ барои корхонаҳои тоҷик ҷиҳати шиносоӣ бо харидорони эҳтимолӣ ва барқарор кардани робитаҳои нави тиҷоратӣ, дарёфти маълумот доир ба бозорҳои мавҷуд ва нав, рақибон, ва талаботи бозори ҷаҳонӣ имкониятҳои фаровонро фароҳам меорад.»,-қайд кардааст ин вазири тоҷик
Акс аз шабакаи интернет
