Омӯзишҳои ТҶ “Хуршед” бо номи «Занони пешсаф дар фазои интернет ангезае барои занони дигар ҳастанд” дар минтақаи Рашт ва Турсунзода доир шуд. Дар омӯзишҳо занони фаъол, роҳбарони созмонҳои ҷамъиятӣ ва мақомоти худфаъолиятҳои ҷамъиятӣ бо шумули намояндагони шуъбаву бахшҳои кор бо занон ва оилаи назди мақомотҳои иҷроияи Ҳисор, Шаҳринав, Турсунзода, Рашт, Лахш, Нуробод ҳузур дошта, оид ба татбиқи сиёсати гендерӣ ва рушди журналистикаи шаҳрвандӣ донишҳои хешро фаррох намуданд.
Бо истифода аз меъёрҳои қонунгузорӣ ҳуқуқ ва уҳдадориҳои журналист фаҳмонда шуд то оянда зимини машғул шудан ба журналистикаи шаҳрвандӣ ба хато роҳ надиҳанд ё ҳуқуқи шахсеро поймол насозанд.
Барои риояи ҳуқуқи ноболиғон, маъюбон зимни таҳияи маводҳои аксӣ ва видеоӣ ба онҳо уҳдадорӣ ва меъёрҳои байналмиллалӣ ва қонунгузории миллӣ фаҳмонда шуд.
Дар бораи тафовути жанрӣ, навиштани хабар, гузориш ва мақолаҳои таҳлилӣ барои иштирокчиён маълумот дода шуд.
Ҳамчунин фаъолсозии саҳифаҳои ташкилоти ҷамъиятӣ дар шабакаҳои иҷтимоӣ, инъикоси масоили гендерӣ тариқи шабакаҳои иҷтимоӣ ба иштирокчиён омӯзонида шуд, ки мустақилона ин корро анҷом дода метавонанд.
Таҳияи гузориши аксӣ интихоби мавзӯи гузориши аксӣ низ омӯзонида шуда, давоми корҳои мустиқилонаи амалӣ иштирокчиён намунаи кори хешро давоми терининг пешниҳод карданд.
Таҳияи руйнамоии электронӣ, инфограффика ва гузоштани он дар саҳифаҳои интернетиро низ иштирокчиёни тренинг аз худ карданд ва оянда зимни фаъолияти корӣ аз он истифода мебаранд.
Боргирӣ, насб ва барномаи мобилии танзими видео (CapCut) як қисми муҳими кор буд. Дар раванди тренинг навиштани матни Caption Video ва ҷобаҷогузорӣ, сабт ва танзим видео тариқи телефони мобилиро омӯхта,инчунин корҳои хурди амалӣ анҷом дода, рӯнамоӣ карданд.
Баъди ҷамъбасти омӯзишҳо, ТҶ “Хуршед” миёни иштирокчиён озмун гузаронд ва ҷоизаҳоро барои «Беҳтарин саҳифаи иҷтимоӣ оид ба инъикоси масоили гендерӣ, ҳуқуқи занон ва пешгирии зӯроварӣ ва ҳолатҳои табъизи занон», «Беҳтарин маводи журналистикаи шаҳрвандӣ тақдим намуд.
