Илон Маск ба китоби рекордҳои Гиннес ворид шуд ва рекорди ҷаҳонии аз даст додани сарватро ба номаш сабт кард.
Мудири ширкати Tesla ва Twitter тайи як соли охир сарвати зиёди худро аз даст дод, ки китоби рекордҳои Гиннес онро сабт кардаст. Бино ба иттилои ин созмон, Илон Маск расман рекорди ҷаҳониро оид ба «аз ҳама бештар аз даст додани сарвати шахсӣ дар таърих» шикаст.
Пеш аз Маск, рекорди қаблии 58,6 миллиард доллар талафоти дороии шахсӣ аз ҷониби муассиси Softbank ва директори генералии Softbank Масайоши Сон дар соли 2000 қайд шуда буд.
Дар охири моҳи декабр хабар дода шуд, ки директори генералии Tesla аввалин ва то ҳол ягона шахсе шуд, ки 200 миллиард доллар сарвати худро аз даст додааст.
Тибқи ҳисобҳои Bloomberg, дороии Маск моҳи ноябри соли 2021 ба 340 миллиард доллар расид. Аммо саҳмияҳои Tesla, ки сарвати асосии Маскро ташкил медиҳанд, соли гузашта 65% коҳиш ёфтанд. Пас аз ин Маск Twitter-ро дар моҳи октябр харидорӣ кард ва сарваташ боз коҳиш ёфт.
Маск дигар сарватмандтарин одами рӯйи ҷаҳон нест. Ӯ ин унвонро ба Бернар Арно, раиси ширкати фаронсавии Louis Vuitton дод.
Тибқи ҳисобҳои охирини Bloomberg, дороии Маск имрӯз тақрибан 129 миллиард долларро ташкил медиҳад.
Акс аз шабакаи интернет
