Масъулияти роҳбарии Алиф Бонк ба Гуланор Атобек вогузор гардид. Ин бону қаблан Ташкилоти аудитории «Делойт»-ро идора мекард.
Абдулло Қурбонов яке аз муассисони Алиф Бонк тариқи саҳифаи фейсбукиаш эълон дошт, ки дар аввали сол хулоса карда буданд, ки Гуланор Атобек, Далер Каримов ва Диловар Амоновро дар раъси ҳайати роҳбарикунандаи бонки мазкур таъин менамоянд. «Дар 9 моҳи гузашта ба натиҷаҳову рекордҳои назаррас ноил гаштем. Нисбат ба ҳамин давраи соли гузашта пардохтҳо бо alif mobi 2,9 маротиба, интиқоли маблағҳо — 3,8 маротиба, мизоҷони корпоративиямон — 3 маротиба зиёд шуданд. Натиҷаҳои молиявиямон боз ҳам беҳтар шуданд. Боз ҳам муҳимтар — дар самти сифати хизматрасонӣ ва сохтани низоми мустаҳкам, дастаи нави роҳбарон воқеан тандеми хуб ба роҳ монданд.»-ёдовар шудааст Абдулло Қурбонов.
Абдулло таъкид кардааст, ки зиёда аз як сол мешавад, ки ӯ бо Фирдавсу Зуҳуршо (ҳаммуассисони бонк) аксарияти вақти худро барои васеъ кардани Алиф дар арсаи байналмилалӣ равона кардаанд.
Аксҳо аз саҳифаи фейсбукии Абдулло Қурбонов
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
7
+1
2
+1
+1
+1
+1
+1
