Корхонаи Foxconn дар шаҳри Чжэнчжоуи Чин, ки ба далели тавлиди смартфонҳои iPhone ғайрирасмӣ «iPhone City» ном бурда мешавад, аз 2 ноябри соли равон ба далели афзоиши шумори сироятҳои коронавирус ба муддати як ҳафта баста шуд. Дар ин бора рӯзномаи Wall Street Journal хабар медиҳад.
Қаблан коргарони корхона қариб як моҳ дар дохили коргоҳ кору зиндагӣ карда буданд.
Тибқи иттилои WSJ, муҳосираи кунуниро ҳамчун қатъи ҳафтрӯзаи истеҳсолот муайян намуданд. Аммо Foxconn иддао дорад, ки корхона то ҳол кори худро идома медиҳад.
Foxconn истеҳсоли гаҷетҳоро дар корхонаҳои хурд адома медиҳад. Ба навиштаи нашрия, занҷири таъминоти iPhone-ҳои нав зери хатар аст.
Қаблан хабар дода шуда буд, ки коргарони корхонаи Foxconn дар шаҳри Чжэнчжоуи Чин ба далели шароити ғайриинсонии корӣ корхонаро ба таври оммавӣ тарк мекунанд.
