Теъдоди истеъмолкунандагони тамоку дар ҷаҳон аз 1,32 миллиард нафар дар соли 2015 то 1,3 миллиард нафар дар соли 2020 коҳиш ёфтааст. Коршиносони Созмони ҷаҳонии тандурустӣ умедворанд, ки то соли 2025 ин рақам ба 1,27 миллиард нафар поин хоҳад рафт ва аз кишварҳо даъват мекунад, ки бо ин оддати бад фаъолона мубориза баранд.
Тибқи гузориши ҷадиди Созмони Ҷаҳонии Беҳдошт, 60 кишвари ҷаҳон пайи ин ҳастанд, ки то соли 2025 30 дарсад истеъмоли тамокуро дар қиёс ба соли 2010 кам намоянд.
Бар асоси ин гузориш, дар соли 2020 22,3 дарсади ҷамъияти ҷаҳон — ҳудуди 40 дарсад мардон ва ҳудуди 8 дарсади занон аз тамоку истифода кардаанд. Тақрибан 38 миллион кӯдаки аз 13 то 15-сола – 13 миллион духтар ва 25 миллион писар – низ тамоку мекашанд.
Теъдоди занони тамокукаш дар соли 2020 231 миллион нафарро ташкил дод, ки аксаран занони 55-64-сола мебошанд. 18 дарсади аврупоиҳо тамоку истифода мекунанд, ки нисбат ба дигар минтақаҳои ҷаҳон бештар аст. Занон дар Аврупо барои тарки ин оддати бад шитоб надоштаанд.
