Беҳрӯз Ҳафизов шурӯъ аз толибилм то ба ҳавонавард забони англисӣ меомӯзонад. Синну соли шогирдони Беҳрӯз гуногун аст — аз 6 то 61-сола…
Беҳрӯз пас аз соли якуми таҳсил дар донишгоҳ тасмим гирифт, ки забони англисиро омӯзад.
«Падарам ба ман гуфт, барои омӯзиш ҳар кумаке лозим бошад, анҷом медиҳам. Ман ҳам ба омӯзиши забони англисӣ пардохтам ва давоми 4 моҳ ба қадри кофӣ ин забонро омӯхтам. Зиёд мехондам ва барномаҳоро пеш аз муҳлати муайяншуда ба итмом мерасонидам.», — нақл мекунад Бӯҳрӯз.
Ӯ орзуи омӯзгор шуданро надошт, танҳо мехост бо донистани забони англисӣ имкониятҳояшро бештар ва зиндагияшро меҳтар намояд.
«Як рӯз дар маркази забономӯзӣ устоде натавонист ба дарс ҳозир шавад. Маъмурият аз ман хоҳиш карданд, ки ба забономӯзон дарс гӯям ва он рӯз ба фаъолияти омӯзгории ман оғоз бахшид.», — ба ёд меорад ӯ.
Беҳрӯз худомӯзӣ аз нақши шабакаи интернетро дар забономӯзиаш бузург мешуморад.
«Бо истифода аз таҷрибаи 10-солаам мактаби онлайнии хешро боз кардам. Ҳоло аз хонандаи мактаб то блогеру менеҷер, аудитору ҳавонавард дар ин мактаб забон меомӯзанд. Беш аз 20 фисади шогирдонам хориҷиён ҳастанд.», — илова кард Беҳрӯз.
Беҳрӯз Ҳафизов зиёда аз 200 навори омӯзиширо тариқи инстаграм пахш кардааст, ки обуначиҳояш бо истифода аз онҳо метавонанд забон омӯзанд.
Ӯ бо равиши хос калимаву ибора ва ҷумлаҳои серистеъмоли забони англисиро меомӯзонад.
Беҳрӯз дар як моҳ 5 рӯзашро ба Instagram мебахшад ва навор таҳияву нашр менамояд.
Ҳафизуллоҳ Тоҳирӣ
Саҳифаҳои иҷтимоии Беҳрӯз Ҳафизов:
https://www.facebook.com/h.beha
https://www.instagram.com/beha_en/
