БИЗНЕС-КЛУБДарёи камзаврақи Вахш як ҷавони норакиро ба заврақсозӣ водор...

Дарёи камзаврақи Вахш як ҷавони норакиро ба заврақсозӣ водор кард

-

Норак яке аз шаҳрҳои зебо ва диданӣ дар вилояти Хатлон буда, ҳамасола сайёҳони дохилию хориҷӣ аз ин шаҳр дидан мекунанд.

Дарёи Вахш аз миёни ин шаҳр мегузарад ва яке аз нерӯгоҳҳои бузурги кишвар низ дар Норак бунёд ёфа, дорои обанбори бузургест, ки барои оббозию қаиқронӣ мусоид аст.

Собир Сатторов, сокини шаҳри Норак аст, ки норасоии заврақ дар ин маконҳоро эсҳсос карда, барои ҳалли ин мушкил қадам бардошт.

“Тобистон сайёҳони дохилию хориҷӣ барои истироҳату фароғат ба шаҳр меоянд. Аз дарё дидан мекунанд ва мехоҳанд бо заврақ дар дарё сайр намоянд. Аммо бархе аз заврақҳо куҳнаву вазъи техникиашон чандон хуб нест. Инчунин теъдоди онҳо зиёд нест.”,- мегӯяд Собир.

Маҳз ҳамин мушкил ин ҷавони 32-соларо ба сохтани заврақ водор кард. Ба нақли ӯ, сохтани заврақ барояш осон набуд. Зеро, дар ин ҷода устод ё роҳнамое надошт. Тӯли 6 моҳ чӣ гуна сохтани заврақро дар Шабакаи YouTube  мушоҳида кард. 

Собир дар аввал мақсад гузошт, ки чанд заврақро харидорӣ ва ба шаҳри Норак  ворид мекунад. Аммо баъди пайгирӣ тариқи интернет фаҳмид, ки заврақҳо арзиши гароне доранд. Бинобар ин, бо як дӯсташ тасмим гирифт, ки маводи лозимаро ба Ватан ворид намуда, хеш онро созанд.

“Мо як қисми маҳсулотро аз хориҷи кишвар овардем. Қисми дигарашро аз бозор ва мағозаҳои шаҳри Душанбе дастрас кардем. Бархе аз маҳсулотро тариқи миёнаравҳо бо нархи гарон харидорӣ кардем. Аввалин заврақ давоми 3 моҳ сохта шуд. Ҳамаи кор бо асбоби классикию куҳна ва дар шароити хона анҷом шуд.”,-нақл мекунад Сатторов.

Имрӯз ду заврақи онҳо дар дарё шино мекунаду Собир ягона заврақсоз дар Тоҷикистон маҳсуб мешавад.

Раҷабмурод Шарифов, яке аз дӯстони Собир буда, дар ибтидо бовар надошт, ки дӯсташ муваффақ мешавад ва ба ҳоли ӯ механдид. Вале баъд аз се моҳ заврақи дӯсташро дар дарёи Вахш дид.  

“Гуфтам, ки беҳуда заҳмат накаш. Аз уҳдаи сохтани он намебароӣ. Бо асбобҳои бобоӣ низ сохтани заврақ имкон надорад. Вале ӯ кушиш карду ду заврақ сохт. Вақте дар об сайр кардем, хурсанд шудем ва ба ҳунару маҳораташ аҳсан гуфтем. Ба меҳмонон мегӯем, ки ин заврақ маҳсули дасти як сокини ҳамин шаҳр аст, агарчи аксари онҳо бовар намекунанд. Зеро, бо сифати хеле баланд ва зебо сохта шудааст.”,- мегӯяд Раҷабмурод Шарифов.

Заврақи сохтаи Собир тавони бардошти 800 кг вазнро дорад ва то 10 нафар метавонанд бо он дар дарё сайр намоянд. Барои сохтани ду заврақ чандин ҳазор сомонӣ харҷ кардааст. Собир нақл мекунад, ки тобистони соли гузашта як нафар бо маблағи 25 ҳазор долар аз  хориҷ заврақ харидорӣ ва ба кишвар ворид кард.

“Агар шароити корӣ муҳайё бошад, 10 нафар давоми як моҳ тавони сохтани то 5 заврақро дорем. Дар 25 ҳазор долар метавонем 10 заврақ бисозем ва зарурат ба воридоти он намемонаду Тоҷикистон истеҳсолкунанда ва содиркунандаи он хоҳад гардид.”,-таъкид менамояд Собир.

Собир Сатторов мехоҳад заврақҳои гуногунро мутобиқ ба стандардҳои ҷаҳонӣ сохта, инчунин содироти онро ба роҳ монад.

Наҷибулло Валиев

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
8
+1
3
+1
1
+1
0
+1
0
+1
0
+1
0

ХАБАРҲОИ ОХИРИН

77%-и кӯдакон дар Суғд ба кӯдакистон намераванд

Дар минтақаи Суғд 45 ҳазор кӯдак ба муассисаҳои томактабӣ фаро гирифта шудаанд. Давоми як соли охир фарогирӣ ба кӯдакистонҳо...

Таҳсили духтарон. Кадом мушкилиҳо вуҷуд дорад?

Моҳиолам Каримова аз минтақаи дурдасти кишвар аст. Бо вуҷуди ин, тавонист дар коллеҷи тиббии ноҳияи Рашт шомил гардад. Ӯ...

Коргоҳи духтари афғонистонӣ дар Ваҳдат

Коргоҳи дӯзандагии "Содот" дар шаҳри Ваҳдат воқеъ буда, роҳбари ин коргоҳ Сафуро Назрии 21-сола аст. Ӯ се сол қабл...

Право на получение адресной социальной помощи

Кто имеет право на получение адресной социальной помощи и что нужно сделать, чтобы ее получить?
spot_imgspot_img

Роҳи навбунёд, вале пурнуқсон

Роҳрави шафати ҷодаи навбунёд ба меъёр ҷавобгӯ набуда, бинобар сабаби паҳнои ками ин роҳрав ду нафар паҳлӯи ҳам роҳ...

Дуздии маълумот аз ChatGPT

Ҳакерҳо маълумоти махфии ширкатеро, ки ChatGPT, OpenAI-ро сохтааст, дуздиданд, ки иттилоъ дар бораи рушди технологияҳои зеҳни сунъиро дар бар...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад