Тими миллии Тоҷикистон имрӯз, 15 июн вориди Душанбе-пойтахти Тоҷикистон гардида, гарм истиқбол шуданд.
Бозингарони мо шоми дирӯз дар даври ниҳоии марҳилаи интихобии Ҷоми Осиё-2023 бо дастаи мунтахаби Қирғизистон рақобат карда, дар гурӯҳи “F” мақоми аввалро соҳиб гардиданд. Агарчи натиҷаи бозӣ бо Қирғизистон мусовӣ (0:0) буд.
Дар ду даври гузашта мунтахаби Тоҷикистон бар дастаҳои Мянмар (4:0) ва Сингапур (1:0) пирӯзӣ ба даст оварда буд.
Ҳамин тариқ, мунтахабҳои миллии Тоҷикистон ва Қирғизистон 7-холӣ ба даст оварда, ба марҳилаи финалии Ҷоми Осиё роҳ ёфтанд. Аз ҳисоби таносуби тӯбҳо тими миллии мо дар гурӯҳ ҷои аввалро ишғол кард. Дар се бозӣ мунтахаби Тоҷикистон ба дарвозааш ягон гол сар надодааст.
Ёдрас мешавем, ки мунтахаби Тоҷикистон бо роҳбарии мутахассиси хорватӣ Петр Сегрт бори аввал дар таърих ба марҳилаи финалии Ҷоми Осиё, ки аз 16 июн то 16 июли соли 2023 ба нақша гирифта шудааст, роҳ ёфт.
