Дар даври ниҳоии марҳилаи интихобии Ҷоми Осиё-2023 оид ба футбол, тими миллии Тоҷикистон бо дастаи мунтахаби Қирғизистон мусовӣ (0:0) бозиро анҷом дода, дар гурӯҳи “F” мақоми аввалро соҳиб гардид. Бозӣ 4-уми июн дар майдони рақиб (Бишкек) барпо шуд.
Дар ин бозӣ Рустам Ятимов дарвозабони тими миллии Тоҷикистон бо маҳорату чолокии хос тавонист ҳама зарбаҳои дастаи рақибро хунсо намояд.
Дар ду даври гузашта мунтахаби Тоҷикистон бар дастаҳои Мянмар (4:0) ва Сингапур (1:0) пирӯзӣ ба даст оварда буд.
Ҳамин тариқ, мунтахабҳои миллии Тоҷикистон ва Қирғизистон 7-холӣ ба даст оварда, ба марҳилаи финалии Ҷоми Осиё роҳ ёфтанд. Аз ҳисоби таносуби тӯбҳо тими миллии мо дар гурӯҳ ҷои аввалро ишғол кард. Дар се бозӣ мунтахаби Тоҷикистон ба дарвозааш ягон гол сар надодааст.
Ёдрас мешавем, ки мунтахаби Тоҷикистон бо роҳбарии мутахассиси хорватӣ Петр Сегрт бори аввал дар таърих ба марҳилаи финалии Ҷоми Осиё, ки аз 16 июн то 16 июли соли 2023 ба нақша гирифта шудааст, роҳ ёфт.
Сармураббии тими миллии Тоҷикистон Петр Сегрт натоиҷи бозии даври ниҳоии мусобиқаи интихобии Ҷоми Осиё-2023 бо тими миллии Қирғизистон (0:0)-ро шарҳ дода, аз маҳорати бозигарони тими миллии Тоҷикистон тавсиф кард.
