Мунтахаби миллии Тоҷикистон оид ба футзал таҳти роҳбарии Пайрав Воҳидов дар даври 1/4 ниҳоии Ҷоми Осиё тими миллии Афғонистонро бо ҳисоби 2:1 шикаст дода, бори аввал ба даври ниманиҳонии ин мусобиқа роҳ ёфт ва соҳиби роҳхат ба Ҷоми ҷаҳон шуд. Қаблан тими милии футзали Тоҷикистон дар гурӯҳи “С” мунтахаби Кореяи Ҷанубиро бо ҳисоби 2:0 шикаст дода, бо дастаҳои Қирғизистон ва Ҷопон бозиро мусовӣ — 2:2 ва 1:1 анҷом дод ва бо ишғоли зинаи аввал дар гуруҳ ба марҳилаи 1/4 ниҳоӣ баромада буд. Бозиҳои нимфиналӣ рӯзи 26 апрел ва вохӯрии финалӣ санаи 28 апрел баргузор мешаванд.
Акнун тими Тоҷикистон дар таърихи худ бори 12-ум дар даври ниҳоии Ҷоми футзали Осиё ширкат меварзад.
Баъди ин ғалабаи таърихӣ, тими Тоҷикистон бори аввал дар таърихи худ, дар марҳилаи ниҳоии Ҷоми ҷаҳон, ки аз 14-уми сентябр то 6-уми октябр дар Ӯзбекистон баргузор мегардад, иштирок хоҳад кард.
