Оилаи Султоновҳо аз ҷамоати Овчӣ-Қалъачаи ноҳияи Бобоҷон Ғафуров соли 6-ум аст, ки ба шутурпарварӣ машғуланд. Айни ҳол ин оила 6 сар шутур дорад.
Сабаби руй овардан ба шутурпарварӣ, дар як вақт гирифтор шудани се узви ин оила ба бемории гепатити «А» буд, ки шири шутурро ба ин беморӣ даво гуфтаанд…
Хӯроки шутур асосан янтоқ аст, ки аз ноҳияҳои Ашт ва Зафаробод дастрас мекунанд. Шутурпарварӣ дар Тоҷикистон рушд наёфатааст ва ин оила шутурҳоро аз ҷумҳуриҳои Қазоқистону Ӯзбекистон харидорӣ кардаанд.
Се шутур ҷӯшоӣ буда, ҳар кадоме 2,5-3 литр шир медиҳад. Як литр шир 50 сомонӣ ва қумрон (ҷурғот)-и он 30 сомонӣ арзиш дорад.
Мизоҷони шири шутур аз ноҳияҳои Б. Ғафуров, Деваштич, Спитамен ва Зафарободу Ҷаббор Расулов ҳастанд.
Барои сокинони ҷамоати Овчӣ-Қалъача шутур ҳайвони аҷоибу ҷолиб нест, чунки ҳар рӯз Султоновҳо шутурҳоро ба кӯча мебароранд ва атрофиён тамошо мекунанд.
Шири шутур ба бемориҳои гепотит, анкологӣ ва дамкутаҳӣ даво будааст.
Оилаи Султоновҳо ният доранд як фермаи шутурпарварӣ таъсис дода, саршумори ин ҳайвони бузургҷуссаро афзоиш диҳанд.
Фарзона Муродӣ
