Ширкати «Электромобил Мануфэкчуринг рус» мошини барқии EVM PRO-ро муаррифӣ кард, ки истеҳсоли васеи он cемоҳаи сеюми соли 2022 оғоз мешавад. Ин мошин бо як бор пур кардани нерӯи барқ то 300 километр масофаро тай карда, 1 тонна бор кашонда метавонад. Қимати ин мошин 3,5 миллион рубл буда, тирамоҳи имсол фурӯши он оғоз мегардад.
«Ин як мошини барқии истеҳсоли ватанӣ мебошад, ки аз ҷониби ширкати Санкт-Петербургии «Электромобил Мануфэкчуринг рус» дар ҳамкорӣ бо УАЗ сохта шудааст», — гуфт Иля Рашкин, директори генералии «Электромобил Мануфэкчуринг рус».
Дар семоҳаи сеюм истеҳсоли силсилавӣ ба нақша гирифта шудааст ва аввалин мошини электрикӣ аз хатти конвейерӣ мебарояд ва дар моҳи сентябр барои харид дастрас мешавад. Тахмин меравад, ки бозори асосии фурӯши EVM PRO хадамоти логистикии дохилишаҳрӣ, хадамоти почта, коммуналӣ ва ғайра хоҳад буд.
«Вазифаи мо аз он иборат аст, ки ба бозор маҳсулотеро, ки айни ҳоло лозим аст, ҳарчи зудтар пешниҳод кунем, зеро ҳоло дар бозор хало вуҷуд дорад. Шумораи зиёди бозигарон рафтанд, нархҳо баланд шуданд, транзит, ки дар бозор соле 20 ҳазор мошин буд, дигар вуҷуд надорад. Бинобар ин, вазифаи мо на аз он иборат аст, ки «конфети зебо» ба вуҷуд оварем, балки ба тиҷорати боркашонӣ воситаи аз ҷиҳати тиҷоратӣ самарабахш додан аст, — таъкид намудааст директори генералии «Электромобил Мануфэкчуринг рус» .
