Рамз-калиде барои ворид шудан ба олами маҷозии шумост ва бояд ин калид барои дигарон дастнорас бошад. Бинобар ин, рамзҳои қавӣ эҷод намоед. Зеро, хакерон бо истифода аз барномаҳои компютерӣ метавонанд шумораи рамзҳо, махсусан рамзҳои заифро окшор намоянд. Мутахассисони соҳаи IT тавсия медиҳанд, ки рамзи қавӣ беш аз чордаҳ аломат, аз ҷумла, ҳарф, рақам ва рамз бояд дошта бошад.
Тариқи сомони haveibeenpwned.com санҷед, ки рамзи шумо то куҷо қавӣ ё заъиф аст. Яъне, осебпазир будан ё набудани хешро мушаххас намоед. Агар бо ворид намудани почтаи электронӣ дар равзани ин сомона қисмати поёнии он ранги сурхро гирифт, пас рамзи худро фавран иваз кунед.
Шумо зимни эҷоди рамз маълумоти шахсӣ (сол ва моҳи таваллуд, ном ё насаби хонавода ва ба ин монанд маълумот)-ро ворид накунед. Агарчи ин гуна рамзро ба соддагӣ дар хотир нигоҳ медоред, вале барои хакерҳо шикастани ин гуна рамзҳо низ осон аст.
Шумо метавонед барномаи мудирияти рамз (Password Manager)-ро насб намоед. Вале ин барнома ройгон нест. Агар шумо аз ин барнома истифода бурдан намехоҳед, пас, бояд барои ҳар як рамзи худ калимаҳои тӯлониро эҷод кунед, ки дорои ҳарфу рақам ва аломат бошад. Агар ба хотираи хеш эътимод надоред, пас рамзҳоро ёддошт намоед, вале онро рӯйи мизи кории хеш нагузоред.
Дар навори зер тавсияҳои муфидеро бароятон ироа менамоем ва умедворем, ки тибқи ин дастурҳо амал намуда, бехатарии хешро дар олами маҷозӣ таъмин менамоед.
С. Кабиров
