Сумая Носироваи 19-сола ҳамчун гумонбар дар дуздӣ аз ҳамёнҳои мобилӣ дастгир гардидааст.
Ба иттилои Раёсати Вазорати корҳои дохилӣ дар шаҳри Душанбе «номбурда шакли нави тасарруфи маблағҳои шаҳрвандонро аз худ намуда, бо ҳар роҳу восита рамзи ҳамёни электронии шаҳрвандонро ба телефони мобилии худ пайваст намуда, маблағҳои шаҳрвандонро ба корти бонкии худ интиқол медодааст.
Аз ҷумла, бо ҳамин тарз ҳангоми дар дохили маркази савдои «Садбарг» қарор доштанаш бо тариқи пинҳонӣ аз ҳамиёни электронии як нафар савдогар маблағи 4490 сомониро тасарруф намуда, аз ҷойи ҳодиса ғайб задааст.»
Дастгиршуда-Носирова Сумая, санаи 18-уми январи соли ҷорӣ, аз ҳамёни электронии як нафар корманди маркази савдои «Шоҳмансур» низ 7190 сомониашро ба ҳамиёни электронии худ гузаронида, ба ҷабрдида зарари калон расонидааст.
Айни замон, гумонбаршаванда Носирова Сумая дар ҳабси пешакӣ қарор дошта, бо мақсади муайян намудани даст доштани номбурда дар дигар ҳолатҳои ҷиноят, тафтишот ҷараён дорад.
Акс аз саҳифаи фейсбукии Раёсати ВКД дар шаҳри Душанбе
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
4
+1
+1
+1
+1
1
+1
+1
1
