Бозии охири даври дуюми Чемпионати CAFA оид ба футзал миёни тимҳои Тоҷикистону Ӯзбекистон бо пирӯзии дастаи меҳмон анҷом ёфт.
Ба иттилои ФФТ, мунтахаби футзали занонаи Тоҷикистон дар ин давр бо мунтахаби Узбекистон рақобат намуд. Бозӣ бо ҳисоби бузурги 8:1 ба фоидаи мунтахаби футзали занонаи Узбекистон анҷом ёфт. Голи ягонаи дастаи моро Ҷонона Қурбонова ба нишон расонд. Чемпиони феълии Осиё мунтахаби футзали занонаи Эрон ғалабаи сеюми худро ба даст овард. Дар ин давр бонувони футзалбози Эрон ба дарвозаи дастаи мунтахаби футзали занонаи Қирғизистон 10 голи беҷавоб заданд.
Баъди се даври бозиҳо мунтахаби футзали занонаи Эрон бо 9 имтиёз пешсафи ҷадвали мусобиқа шуд ва Узбекистон бо 6 имтиёз дар мақоми дуюм, мунтахабҳои Қирғизистон ва Тоҷикистон бо 1 имтиёзӣ дар мақомҳои сеюму чорум қарор доранд.
Имрӯз, 25-уми январ бозиҳои даври якуми қисмати дуюми мусобиқа баргузор хоханд шуд. Дар ин давр Эрон бо Қирғизистон (15:00) ва Узбекистон бо Тоҷикистон (18:00) вомехӯранд.
Қобили зикр аст, ки аввалин чемпионати CAFA байни дастаҳои футзали занона дар Душанбе аз рӯи системаи даврӣ дар ду қисм баргузор мешавад ва ҳар як даста шаш бозӣ анҷом медиҳад. Дастаи ғолиб аз рӯи шумораи бештари холҳо муайян мешавад.
Дар пайи ҷамъбасти се давр тими Эрон бо нуҳ хол пешсафи ҷадвал мебошад. Дастаи Ӯзбекистон соҳиби шаш хол аст. Дастаҳои мунтахаби Қирғизистону Тоҷикистон, ки якхолӣ доранд, мутаносибан дар ҷойҳои се ва чор қарор гирифтаанд.
Тоҷикистон ду бозии қаблияшро бо Қирғизистон 1:1 ва бо Эрон 0:12 ба поён расонида буд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
