Дастаи мунтахаби ҷавонони Тоҷикистон (U-20) дар бозии санҷишӣ дастаи «Чертаново»-и Маскавро шикаст дод. Ин пирӯзии дуввуми дастаи Аҳлиддин Турдиев дар Туркия маҳсуб мешавад
«Бозии санҷишӣ 18-уми феврал дар маҷмааи варзишии «Арслан Зеки Демирчӣ»-и Сиде баргузор шуда, бо ҳисоби 2:0 ба фоидаи тими ҷавонони Тоҷикистон анҷом ёфт. Дар дақиқаи дуюми бозӣ Абдулфаттоҳ Худойдодзода ҳисобро боз кард ва дар дақиқаи 52-юм нимҳимоятгар Азизбек Ҳайитов бартарии дастаи моро афзӯд.»,-хабар медиҳад Федератсияи футболи Тоҷикистон.
Қаблан мунтахаби ҷавонони Тоҷикистон (U-20) дар бозии санҷишӣ дар Туркия бо тими ҷавонони “Ворскла”-и Украина мусовӣ (0:0) ва ба тими Дания Фремад Амагер (2:1) пирӯз шуда буд.
Имрӯз, 19-уми феврал, ҳайати дастаи Аҳлиддин Турдиев бо ҳамсолони худ аз Анталия бозии чаҳоруми санҷишии худро анҷом медиҳанд.
